Ayubu 24:12 - ÎVUKU RÎA ÛVORO MWARO

¹² Na kûu matûûrarî kûrî na mûcayo wa arîa marakua, na arîa agurarie nîmarakaa makîenda ûtethio, nwatî Ngai ndathikagîrîria mavoya mao.

Ayubu 24:12 ပူးပေါင်းရင်းမြစ်များ

Kîam 4:10

Ngai-Mûnene nîwamûririe atîrî, “Wîkîte ûguo nîkî? Nthakame ya mûrwanyûkwe nîîrandîrîrîra îrî gûkû mûtheturî.

Ayubu 24:11

Mavivagîra andû arîa aganu maguta ma ndamaiyû, na makamakamûrîra ndivei nwatî matingîmîkunda.

Ayubu 24:13

Kûrî na andû mareganaga na ûtheri, matingîimenya njîra ciaguo, wana matiirûmagîrîra.

Ayubu 9:23

Rîrîa mûthiro waûka kûthiria andû wa rîmwe, Ngai nîathekagîrîra arîa matarî na ûcuke maûragwa.

Ayubu 9:24

Andû arîa aganu nîo Ngai aaveere nthî, nîwatuire andû arîa macirithanagia ndumumu. Ethîrwa tî Ngai wîkîte ûguo, nû?

Thaburi 10:13

Andû arîa aganu manyararaga Ngai nîkî, na makeîra na ngoro atî, “Ndagaatûverithia”?

Thaburi 109:22

Nie nîrî mûthîni na nîrî ngîa; na ngurarîtue nginya ngororî.

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 50:21

Wîkîte maûndû mau monthe ngirîte, weciragia nie mbîkariî tawe? Nwatî rîu nînagûkaania, na nakûva ûvoro cararûkû.

Thaburi 69:26

Nîûndû nîmanyariraga arîa ûverithîtie, na arîa ûgurarîtie nîmamongagîrîra mînyamaaro.

Ntha 22:27

nîûndû îo nwayo nguo îrîa arî nayo ya gwîkunîkîra nayo. Mûndû ûcio angîîguîkire ndûî kîngî? Angîngaîra nîngaamwîgua nîûndû nîrî ntha.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Isaia 52:5

Kwoguo rîu nie nîratetheka na ndûî, rîrîa ngwona andû akwa matavîtwe mana? Arîa mamathaga nîkwa maretîîa, narîo rîîtwa rîakwa rîcambagua vîndî cionthe. Ûguo nîguo Ngai-Mûnene arauga.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 12:2

Nîwe wamavandire na makîgîa mîri, makûraga na makagîa na maciaro, maragia ûrîa ûrî mwaro, nwatî ngoro ciao ciîthagîrwa irî kûraca nawe.

Malaki 2:17

Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”

Malaki 3:15

Kuuma rîu tûkaugaga atî andû arîa etîi nîo arathime na andû arîa mekaga maûndû macûku, wana mageria Ngai-Mûnene mativerithagua, nwakwa mathiîcaga na mbere na kûgîa na mûtûûrîre mwaro.’”

2Pet 3:15

Tucagani gûkirîrîria kwa Mwathani wetû ta kamweke aramûva nîguo mûvonoke. Mûrû wa îthe wetû mwende Paûlo nîwamwîrire wa guo vîndî îrîa aamwandîkîre maarûa kûringana na ûûgî ûrîa Ngai aamûveete.

Atir 10:16

Kwoguo nîmaatere ngai icio maarî nacio na magîtungatîra Ngai-Mûnene. Nake Ngai-Mûnene nîwegwire ntha nîûndû wa ûrîa Aisiraeli maanyarirîkîte.