Ayubu 22:18 - ÎVUKU RÎA ÛVORO MWARO

¹⁸ Kûnarî ûguo nîke wecûririe nyomba ciao indo mbaro, nwatî ndimenyaga meciria ma andû arîa aganu.

Ayubu 22:18 ပူးပေါင်းရင်းမြစ်များ

Ayubu 10:3

Wonaga ûgîka waro rîrîa ûkûnginyîrîria? Kana rîrîa ûranyarara wîra wa njara ciaku, na ûkenda wîra wa andû arîa aganu?

Ayubu 12:6

Mîciî ya aûragani îrî na thayû, na arîa marakaragia Ngai matûûraga marî agitîre, vinya wao umaga kûrî ngai ciao.

Ayubu 21:16

Maugaga atî ûtonga wao nîo mecarîrîtie. Nwatî nie ndingînyitanîra na meciria mao.

Thaburi 1:1

Kûrathimwa nî mûndû ûrîa ûreganaga na mataaro ma andû arîa aganu, ûrîa ûtarûmagîrîra njîra cia andû arîa evia, kana ekarania na andû arîa manyararaga ûvoro wa Ngai.

Thaburi 17:14

mvonokia na vinya waku we Ngai-Mûnene, kuuma kûrî andû arîa marî na indo cionthe irîa mendaga. Maverithie na îvera rîrîa ûmaigîrîte, ciana ciao irokinyîrwa nî îvera rîu, na rîkinyîre ciana cia ciana ciao!

Jeremia 12:2

Nîwe wamavandire na makîgîa mîri, makûraga na makagîa na maciaro, maragia ûrîa ûrî mwaro, nwatî ngoro ciao ciîthagîrwa irî kûraca nawe.

Ciîko 14:17

Nwatî vîndî cionthe ke nîwîthîrîtwe akîonania na ma atî arî kuo na njîra ya maûndû maro marîa ekaga kûrî andû. Ke nîke urithagia mbura kuuma îgûrû na akamûva imera mavinda marîa magîrîru. Ke nîke ûmûvecaga irio na agecûria ngoro cienyu na gîkeno.”

Ciîko 15:16

‘Vuva wa maûndû mama nie nîngaacoka, na ndume rîngî gîîkaro kîrîa kîgwîte Kîam Daudi. Nie nîgwoca ngooca matigari ma gîîkaro kîu, nîgîtume na nîkîrûngamie rîngî.

1Sam 2:7

Ngai-Mûnene nîke ûtûmaga andû amwe mathîne na agatua arîa engî itonga, nîanyivagia amwe na akanenevia arîa engî.