Ayubu 22:12 - ÎVUKU RÎA ÛVORO MWARO

¹² Nîtwîcî Ngai atûûraga îgûrû mûno, na nîaroragia nthî akoona njata wana ethîrwa irî îgûrû.

Ayubu 22:12 ပူးပေါင်းရင်းမြစ်များ

Ayubu 11:7

“Nwa ûvote kûmenya nthintho ya Ngai? Nwa ûvote kûmenya ûnene wa Ngai mwene vinya wonthe?

Ayubu 11:8

Ûnene wake ûnenevete ûgakîrûka matu, we ndûngîûkinyîra, na nîmûrikîru gûkîra kûrîa gwa akuû, we ndûngîmenya.

Ayubu 35:5

Taroria îgûrû wone, ûrorie wone matu marîa marî îgûrû rîaku.

Thaburi 115:16

Îgûrû nîkwa Ngai-Mûnene arî wenga; nwatî nîwavecanire nthî kûrî andû.

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Mûvunjia 5:1

Îîmenyagîrîre rîrîa ûkûthiî hekarûrî ya Ngai. Nîkava kûthiî kuo kûthikîrîria gûkîra kûruta magongoona ta ûrîa irimû ciîkaga, nîûndû irimû itimenyaga ngûrani ya ûndû mwaro na ûndû mûcûku.

Mûvunjia 5:2

Îîciragie waro mbere ya kwaria ûndû, na ndûkaavinyûre kwîrîra Ngai ûndû, nîûndû Ngai arî îgûrû na we wî gûkû nthî. Kwoguo ndûkarie maûndû meengî.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?