Ayubu 20:8 - ÎVUKU RÎA ÛVORO MWARO

⁸ Akaathira ta kîroto na ndakoonekana rîngî, akaûrîra ta kîoneki Kîam ûtukû.

Ayubu 20:8 ပူးပေါင်းရင်းမြစ်များ

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Ayubu 18:11

Athiûrûrîkîrîtue nî maûndû ma kûmwîkîra guoya, marûmanagîrîra nake îkinyo gwa îkinyo.

Ayubu 18:18

Aarutirwe ûtherirî agikua ndumarî, akîngatwa vûrûri wa arîa marî mwoyo.

Ayubu 27:20

Guoya ûmûthithûkagîra ta mwîcûro wa manjî, na ûtukû agakuua nî rûkûngi rûnene.

Ayubu 7:21

Nîkwa ûtangîndekera mevia makwa, na ûngirîre mavîtia makwa? Nîûndû kavinda gatarî karaca ngethîrwa nîrî mbîrîrarî, ûkanjaria nwatî ndikethîrwa nîrî vo.”

Ayubu 7:8

Mûndû ûrîa ûramona rîu ndagaacoka kûmona rîngî, ûkanjaria ndure nîûndû ngethîrwa ndarî vo.

Thaburi 18:10

Aagûrûkire na îvenya akuuîtwe nî kîûmbe kîrî mathagu, aaûkire na îvenya avurutîtwe nî rûkûngi ta ûrîa gîconi kîgûrûkaga.

Thaburi 73:20

Mekariî ta kîroto kîrîa kîriganagîra wa rîmwe rîrîa mûndû aramûka; rîrîa we Mwathani waûkîra nîmaûraga.

Thaburi 90:10

Ûtûûro wetû nîwa mîaka mîrongo mûgwanja, kana ethîrwa tûrî na vinya tûgîkinyia mîaka mîrongo înana; nwatî wîcûrîtwe nî mathîna na mînyamaaro; mîaka îo îthiraga na îvenya natue tûgacoka tûkathira.

Thaburi 90:5

We ûthiragia andû wa rîmwe ta ûrîa kîroto kîthiraga, mûndû ekariî ta nyaki îrîa îmeraga kîraûko,

Nthi 10:25

Rîrîa rûkûngi rûnene rwaûka rûthiragia andû arîa aganu, nwatî andû arîa athingu matûûraga mekindîrîtie tene na tene.

Danieli 11:19

Nî akaagarûrûka acoke vûrûrirî wake ûrîa mwirigîre na rûthingo rwa vinya, nwatî nî akaavootwa na ndakeguîka rîngî.