Ayubu 2:3 - ÎVUKU RÎA ÛVORO MWARO

³ Ngai-Mûnene nîwaûririe Caitani atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mwîvoke ta Ayubu. Nîanîtigîrîte na nîethemaga maûndû macûku. We nîwaningîrîrie ngwîtîkîrie ûmûtharîkîre gûtarî na ûndû mûcûku ekîte, nwatî Ayubu atûûrîte arî mwîvokeku.”

Ayubu 2:3 ပူးပေါင်းရင်းမြစ်များ

Kîam 6:9

Ino nîcio njiarwa cia Nuhu. Nuhu aarî mûndû mûthingu, na nwake wenga tu warî mwaro îvindarî rîu. Nuhu aarî na ngwatanîro na Ngai.

2Sam 20:20

Nake Joabu nîwacokirie atîrî, “Naarî, nie ndigaacûkangia kana nthirie îtûûra rîenyu!

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Ayubu 1:11

Nwatî ta oca ûtonga ûcio wake wone agîkûruma ûkîonaga!”

Ayubu 1:6

Mûthenya ûmwe araika a Ngai nîmaathiîre gûcemania mbere ya Ngai-Mûnene na Caitani nîwaûkire agîkara varîa maarî.

Ayubu 1:8

Nake Ngai-Mûnene nîwamûririe atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mûthingu take. Nîanîtigîrîte na nîethemaga maûndû macûku.”

Ayubu 13:15

Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.

Ayubu 2:2

Nake Ngai-Mûnene nîwaûririe Caitani atîrî, “Wauma nakû?” Caitani nîwacokerie Ngai-Mûnene atîrî, “Nauma gûcera na kûthiûrûrûka na kûu nthî.”

Ayubu 2:4

Nake Caitani nîwacokerie Ngai-Mûnene atîrî, “Gîkonde Kîam mwîrî gîkûûragwa na kîngî! Mûndû avecanaga kîrîa kîonthe arî nakîo nîguo avonokie mwoyo wake.

Ayubu 9:17

Ke nîamindiûranagia na rûkûngi rûnene; nîanyongagîrîra nguraro gûtarî na gîtûmi.

Ayubu 9:20

Wana ethîrwa ndirî na mavîtia, kanyua gakwa nîkanducaga mwîvia; wana ethîrwa ndirî na ûcuke, nîanducaga mwaganu.

Thaburi 26:1

We Ngai-Mûnene, nduîra atî ndirî na mavîtia, nîûndû mbîkaga maûndû marîa magîrîrîte, na nî ngwîvokete viû.

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Thaburi 41:12

We nîûndethagia nîûndû mbîkaga maûndû maro, na nîûmbigaga vakuvî nawe tene na tene.

Nthi 11:8

Mûndû mûthingu nîavonokagua kuuma thînarî, na mûndû mwaganu akagwatwa nî thîna ûcio vandûrî vake.

Nthi 13:6

Ûthingu nîûgitagîra mûndû ûrîa ûrî mîthiîre mîagîrîru, nwatî mevia nîmagwîthagia andû arîa aganu.

Nthi 14:2

Mûndû ûrîa ûrî mîthiîre mîrûngîrîru nîetigîrîte Ngai-Mûnene; nwatî ûrîa ûtarî mwîvokeku nîamûnyararaga.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 16:17

Andû arîa marî mîthiîre mîrûngîrîru nîmaûragîra maûndû marîa macûku; mûndû ûrîa ûmenyagîrîra mîthiîre yake nîagitagîra mwoyo wake.

Johana 9:3

Nake Jesû nîwamacokerie atîrî, “Mûndû ûyû ndaciarwa arî mûtumumu nîûndû wa mevia make kana ma aciari ake. Aaciarirwe arî mûtumumu nîguo andû mone vinya wa Ngai ûkîruta wîra ndaarî yake.

Afil 3:12

Nditucaga atî nîrîmûgîu na kîndû kana atî nîrî mûkinyanîru viû, nwatî mbîthagîrwa ngîîrutanîria nîguo ngîe na kîveo nîûndû Kristû nîmûvootanu na akandua wake.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.