Ayubu 2:13 - ÎVUKU RÎA ÛVORO MWARO

¹³ Nîmaacokire magîkara nake vau nthî mîthenya mûgwanja ûtukû na mûthenya. Gûtirî mûndû wanarî ûmwe wao wavotire kûmwîra wanarî ûndû, nîûndû nîmoonaga ûrîa aathînîkaga.

Ayubu 2:13 ပူးပေါင်းရင်းမြစ်များ

Kîam 1:5

Ngai nîwetire ûtheri “Mûthenya” nayo nduma akîmîta “Ûtukû.” Nakuo nîgwatukire na gûgîcoka gûgîkîa. Ûcio nîguo warî mûthenya wa mbere.

Kîam 1:8

Ngai nîwetire mwanya ûcio “Îgûrû.” Nakuo gûgîtuka na gûgîcoka gûgîkîa. Ûcio nîguo warî mûthenya wa kaîrî.

Kîam 50:10

Rîrîa maakinyire îtîrirî rîa Atadi, varîa ngano ciavûragîrwa mwena wa îveti wa Jorodani, nîmaacakaire kavinda karaca maugîrîrîtie. Josefu nîwacakaîre îthe mîthenya mûgwanja.

Ezira 9:3

Rîrîa neguire ûguo, nînatembûrangire nguo ciakwa, ngîkûûra njuîrî cia kîongo na nderu nîûndû wa kûthirwa nî mwîvoko na ngîkara nthî nîrî na kîeva.

Nehemia 1:4

Rîrîa neguire ûguo nî nekarire nthî na ngîrîra. Nînaacakaire na ngîînyerekia îvinda rîa mîthenya mîîngî ngîvoyaga Ngai wa îgûrû.

Ayubu 3:1

Vuva wa maûndû mau, Ayubu nîwatumûrire kanyua na akîruma mûthenya ûrîa aaciarirwe.

Ayubu 4:2

“Nwawîgue ûrî mûvîtîrie nîngîkwîra wanarî kiugo? Ndingîvota gûkira rîngî.

Thaburi 77:4

We Ngai, nîûtûmaga mbûre toro ûtukû mûgima; nînîrathînîka mûno ûndû ndangîvota kwaria.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 47:1

Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Maca 2:10

Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Ezek 3:15

Nînathiîre nginya Tela-Abibu vakuvî na rûnjî rwa Kebari kûrîa andû etû maatûûraga îthamîriorî. Nekarire kûu maarî mîthenya mûgwanja nîrî mûmaku nîûndû wa maûndû marîa noonete na ngîgua.