Ayubu 19:5 - ÎVUKU RÎA ÛVORO MWARO

⁵ Mûreciria atî mûrî aro kûngîra, na atî nîranyamarua nîûndû wa maûndû macûku marîa mbîkîte.

Ayubu 19:5 ပူးပေါင်းရင်းမြစ်များ

Nehemia 1:3

Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Ayubu 19:4

Wana ethîrwa nîrî mûvîtiu, mûraturwa nîkî?

Thaburi 35:26

Tiga acio makenagîrîra kûthînîka gwakwa, mavootwe na maconorithue; acio meyonaga marî aro kûrî nie, megue nthoni na maconoke.

Thaburi 38:16

Nîrakûvoya tu, ndûkareke nthû ciakwa inthekerera; ndûgatûme ciîtîîa nîûndû wa kûgwa gwakwa.

Thaburi 41:11

Wamvonia nîngaamenya atî wî mûkenu nînie, na nthû ciakwa itikaamvoota.

Thaburi 55:12

Kethîrwa nî nthû yakwa îranyûrûria nînîngîaûmîrîria; kethîrwa nî nthû yakwa îranîtîîra nîngîithitha ndîkamone.

Thaburi 55:13

Nwatî rîu nîwe, mûnyanyawa, mûrata wakwa, mûrata wakwa mûnene.

Isaia 4:1

Rîrîa mûthenya ûcio ûgaakinya, aka mûgwanja nîmakaanyita mûndûmûrûme ûmwe mamwîre atîrî, “Tûkaarîcaga irio cietû tue ene na twîkagîre nguo cietû; nwatî twîtîkîrie twîtanague nawe, nîguo ûtûthengutîrie gîcambio gîa kwîthîrwa tûtarî aviku.”

Mika 7:8

We nthû yakwa ndûgakene rîrîa nîrî thînarî. Rîrîa nagwa, nîmbûkagîra, rîrîa nîrî ndumarî, Ngai-Mûnene nîke ûtheri wakwa.

Zefania 2:10

Ûguo nîguo makaaverithua nîûndû wa kwîyenda kwao nîûndû wa kûnana na kûruma andû a Ngai-Mûnene mwene vinya wonthe.

Zakaria 12:7

“Nake Ngai-Mûnene nîakaavonokia mbere andû arîa matûûraga Juda, nîguo nyomba ya Daudi na andû arîa matûûraga Jerusalemu matikone takwa marî aro gûkîra andû a Juda.

Luka 1:25

“Rîu Mwathani nîandethetie na akanthengutîria gîconoko gîakwa mbere ya andû!”

Johana 9:2

Nao arutwa ake nîmaamûririe atîrî, “Mwarimû, nî mevia ma û maatûmire mûndû ûyû aciarwe arî mûtumumu? Nî make kana nî ma aciari ake?”

Johana 9:34

Nao nîmaamûcokerie atîrî, “Ûngîvota atîa gûtûthomithia na we ûrî mwîvia kuuma rîrîa waciarirwe?” Nao nîmaamwîngatire kuuma kûu îvoerorî.

1Sam 1:6

Nake Mwîruwe, Penina nîwarakaragia na akathirîkia Hana ngororî, nîûndû Ngai-Mûnene ndaaveete Hana ciana.