Ayubu 19:11 - ÎVUKU RÎA ÛVORO MWARO

¹¹ Etûrûrîte marakara make na kûrî nie, na akandua nthû yake.

Ayubu 19:11 ပူးပေါင်းရင်းမြစ်များ

Ayubu 13:24

“Wîthithîte nînie nîkî, na ûkandua ta nthû yaku?

Ayubu 15:24

Mînyamaaro na ûrûrû nîimwîkagîra guoya, imûthithûkagîra ta mûthamaki evarîrîtie kûrûa.

Ayubu 16:9

Anducangîte icunjî icunjî nî kûrakara na akanthûûra, nthû yakwa îngûûrîrîte metho nî marakara.

Ayubu 33:10

Nwatî Ngai nîacaragia kanya ga kûmverithia, ke anducaga nthû yake.

Thaburi 89:46

We Ngai-Mûnene nîwîthitha nginya tene na tene? Marakara maku nîmatûûra makanîte ta mwaki nginya rî?

Thaburi 90:7

Tue nîtûcûkangagua nî marakara maku nîtûmakagua nî mang'ûrîka maku.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Maca 2:5

Ngai-Mûnene atuîkîte ta nthû na agacûkangia Isiraeli, nîacûkangîtie mîciî ya athamaki onthe a Isiraeli, na akomomora matûûra marîa magitîre. Nîatûmîte kîrîro na macakaya ciongerereke kûrî andû a Juda.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.