Ayubu 15:30 - ÎVUKU RÎA ÛVORO MWARO

³⁰ Ndakaaûrîra nduma, agekara ta mûtî ûrîa matheûka maguo mavîvagua nî mwaki, na marao maguo makagûrûkua nî rûkûngi.

Ayubu 15:30 ပူးပေါင်းရင်းမြစ်များ

Ayubu 15:22

Ndetîkagia atî nîakaauma ndumarî, na etererete mûndû ûrîa ûkamûraga.

Ayubu 15:23

Atindaga akîûrûra agîcaria gîa kûrîa akîûragia kîrîkû, nîamenyaga atî îvinda rîa nduma nîrîmûkuvîvîrîtie.

Ayubu 15:34

Andû arîa matagoocaga Ngai magatûûra marî nthata, na mîciî ya arîa mavakanaga îkavîvua nî mwaki.

Ayubu 18:16

Mîri yake na kûu nthî nîraûma, nakuo îgûrû mvûa ciake nîiraûma.

Ayubu 18:18

Aarutirwe ûtherirî agikua ndumarî, akîngatwa vûrûri wa arîa marî mwoyo.

Ayubu 20:26

Mûthithû wake wonthe nîûgacûkangua, mwaki wa magegania nîûkaamûthiria, kîrîa kîonthe gîkethîrwa gîtigarîte nyomba gîkavîa viû.

Ayubu 22:20

Maugaga atî, ‘Nama nthû cietû nî njûkangie, na indo irîa maatigaririe nîmvîvie na mwaki.’

Ayubu 31:12

Wîvia ûcio ûvana ta mwaki ûrîa ûvîvagia ûkathiria, na nwa ûvîvie indo cionthe ciakwa.

Ayubu 4:9

Andû acio nîmathiragua viû nî mîvevû ya Ngai, amavûraga na marakara make akamathiria viû.

Ayubu 5:14

Marumagîrwa nî nduma kûnarî mûthenya, na maatataga mûthenya ta andû marî ndumarî.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Hosea 6:5

Nîkîo nîmathithûkîrîte na njîra ya arathi, nînîmacûkangîtie na ciugo ciakwa, îtuîro rîakwa nî ta riûa rîkîratha.

Mathaayo 22:13

Nake Mûthamaki nîwacokire akîra ndungata icio ciake atîrî, ‘Mûthaikeni njara na magûrû na mûmwikie na nja ndumarî. Kûu nîkuo andû makaarîra na marîe magego.’ ”

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 8:12

Nwatî andû arîa magîrîrwe nî kwîthîrwa marî Ûthamakirî, nîmagaaikua nja ndumarî kûrîa makaarîra na marîe magego.”

2Pet 2:17

Arimû acio a maveeni mekariî ta ithima ino mvûîu manjî, kana ta matu marîa matindîkagwa nî rûkûngi. Ngai nîamaigîrîte vandû ndumarî îrîa nene.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Kûguû 19:15

Kanyuarî gake nîkwaumire rûviû rwa njûra rûûgî, rûrîa ke akaavûthîra kûvoota mavûrûri. Ke nîakaamathaga na rûthanju rwa cuuma. Nî akaaviva thavibu ciume ndivei ya marakara ma Ngai mwene vinya wonthe.