Ayubu 14:10 - ÎVUKU RÎA ÛVORO MWARO

¹⁰ Nwatî rîrîa mûndû akua, ûcio wîthagîrwa ûrî mûthiia wake; arîkia gûtuîkana atigagwa na ndûî rîngî?

Ayubu 14:10 ပူးပေါင်းရင်းမြစ်များ

Kîam 49:33

Rîrîa Jakovu aarîkirie kwarîria avîcî ake, nîwamamire rîngî akînakua.

1Maû 29:15

Tûrî ageni na evîtûkîri methorî maku, wata ûrîa methe metû mekariî. Kavinda getû gûkû nthî gekariî ta kîruru, tûtirî na kîîrîgîrîro.

Ayubu 10:18

“Watûmire nyume îvurî rîa nyanya nîkî? Nîkava nîngîakuire ndonetwe nî mûndû.

Ayubu 11:20

Nwatî metho ma andû aganu nîmakaathira vinya, nîmakaarigwa nî njîra cionthe cia kûûrîra, kîîrîgîrîro Kîam o Kîam mûthiia nî gûkua.”

Ayubu 13:9

Ngai angîmûtuîria nwa oone mûrî agîrîru, mûreciria nwa mûveenie Ngai ûrîa mûveenagia andû?

Ayubu 14:12

ûguo nîguo mûndû akucaga akarega kûramûka. Ndakaaramûka rîngî kana agirimûke, nginya rîrîa îgûrû rîkathira.

Ayubu 14:9

ûngîvutania na manjî nîûthundagia, nîûkûraga wata mûtî mwîthî.

Ayubu 19:26

Wana ikonde ciakwa ciacûkangua, nie mwene nîngeyonera Ngai-Mûnene na metho makwa.

Ayubu 20:7

mûthiiarî akaûra mana ta ûrîa kîoro gîake gîtecagwa. Nao arîa maanamwona maûranagie atîrî, ‘Athiîre kû?’

Ayubu 3:11

“Naregire gûkuîra îvurî rîa nyanya nîkî, kana ngue ngîciarwa?

Ayubu 3:13

Nîngîakuire vîndî îo nîngîvurûkîte, nîngîakwire vîndî îo ndingîrî kwaria,

Ayubu 7:21

Nîkwa ûtangîndekera mevia makwa, na ûngirîre mavîtia makwa? Nîûndû kavinda gatarî karaca ngethîrwa nîrî mbîrîrarî, ûkanjaria nwatî ndikethîrwa nîrî vo.”

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Mûvunjia 3:20

Andû wana nyamû ciaumire mûtheturî. Andû magaacoka mûtheturî wana nyamû igaacoka mûtheturî rîngî.

Mûvunjia 3:21

Nî ûrîkû wicî waro kana vuva wa gûkua mîoyo ya andû îthiîcaga îgûrû nayo ya nyamû îthiîcaga mûtheturî?

Mathaayo 27:50

Nake Jesû nîwanîrîre rîngî na mûgambo mûnene na akînatuîkana.

Ciîko 5:10

Wa rîmwe Safira nîwagwîre nthî magûrûrî ma Petero na agîkua. Rîrîa anake acio maatonyire kuo na makîmwîthîra arî mûkuû, nîmaamûrutire nja mamûkuuîte na makîthiî makîmûthika rwarurî rwa mûthuuriwe.