Ayubu 13:11 - ÎVUKU RÎA ÛVORO MWARO

¹¹ Ûnene wake nîûmûmakagia, na mûkagîa na guoya mûnene nîûndû wake?

Ayubu 13:11 ပူးပေါင်းရင်းမြစ်များ

Ayubu 13:12

Nthimo cienyu nî cia mana ta mûu, ivooto cienyu nîta nthingo cia kwîgitîra cia ndaka.

Ayubu 13:21

Nthengutîria njara yaku ndîkaninge, na ndûkareke maûndû maku ma kûmakania mambîguithia guoya.

Ayubu 31:23

Nîûndû nînetigagîra kûverithua nî Ngai, ndingîekire ûndû ta ûcio.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Isaia 8:13

Nwatî ririkana, atî Ngai-Mûnene, mwene vinya wonthe, nînie nîngîkûmakia na nîmbagîrîrwe nî gwîtigîrwa.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.