Ayubu 11:6 - ÎVUKU RÎA ÛVORO MWARO

⁶ Na acoke akwîre maûndû ma nthitho na ma ûûgî? Ngai nîamenyaga maûndû na njîra ndikîru, menya atî, Ngai ndakûverithagia kûringana ûrîa na wîvîtie.

Ayubu 11:6 ပူးပေါင်းရင်းမြစ်များ

Ezira 9:13

Ûrîa wonthe wîkîkîte kûrî tue wîkîkîte nîûndû wa mevia na mavîtia metû. Nwatî we Ngai wetû îvera rîrîa ûtûverithîtie narîo nî rînini gûkîra ûrîa twagîrîrwe nî kûverithua, na ûgetîkîra tûtigare tûtarî athiru viû.

Ayubu 11:5

Naarî kethîrwa Ngai nwa atumûre kanyua gake na arie nawe?

Ayubu 12:13

Nwatî ûûgî na vinya nî cia Ngai, naguo ûmenyo na kîrîra nî ciake.

Ayubu 15:11

Anga ciugo cia gûkûvooreria irîa Ngai akûvecaga tî mbîganu, ciugo cia gûtûma ûkirîrîrie tî kîndû?

Ayubu 15:5

We waragia wa maûndû ma waganu, karîmî gaku karagia ndeto cia wara.

Ayubu 15:8

Wanathikîrîria ndundu ya Ngai? Anga gûtirî mûndû wîngî mûgî tiga we?

Ayubu 22:5

Naarî! Waganu waku nî mwîngî mûno, na mevia maku matirî mûthiia!

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Ayubu 33:12

Nwatî we Ayubu, nîrakwîra wî mûvîtiu, Ngai nî mûnene gûkîra mûndû.

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 103:10

Ndatûverithagia kûringana na mevia metû, kana atûrîvia kûringana na mavîtia metû.

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Maca 3:22

Atî wendo ûtathiraga wa Ngai-Mûnene ûtûraga tene na tene, ntha ciake itithiraga.

Danieli 2:28

Nwatî îgûrû, kûrî Ngai ûrîa ûguûragia maûndû marîa marî nthithorî, na nîaguûrîrîtie Mûthamaki Nebukadinezarû ûrîa gûkethîrwa gwîkariî vuvarî. Kîroto na cioneki irîa warî nacio rîrîa wamamiî nî îno:

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Mathaayo 13:35

Eekire ûguo nîguo maûndû mavingue marîa mûrathi aaririe akiuga atîrî: “Nie nîngaatûmîra ngerekano ngîmarîria, nîngaamera maûndû marîa mataanamenyekana kuuma rîrîa nthî yaûmbirwe.”

Aefeso 3:5

Andû arîa maatûûraga kuo mavinda marîa mavîtûku, matierwa nthitho îno. Nwatî rîu na njîra ya Roho, Ngai nîwonanîtie nthitho îo kûrî atûmwa ake atheru na arathi.

Gûco 29:29

“Maûndû ma nthitho nî ma Ngai-Mûnene Ngai wetû, nwatî maûndû marîa aguûranîrîtie nî metû vamwe na njiarwa cietû, nîguo tûtûûre tûvingagia mawatho make monthe tene na tene.”