Ayubu 11:19 - ÎVUKU RÎA ÛVORO MWARO

¹⁹ Ûkamamaga ûtagwîtigîra nthû ciaku, andû eengî makaûragia ûtethio kûrî we.

Ayubu 11:19 ပူးပေါင်းရင်းမြစ်များ

2Maû 20:30

Kwoguo ûthamaki wa Jehoshafati nîwekarire ûrî na thayû, nîûndû Ngai nîwamûgitîrîte kuuma mîena yonthe.

Ayubu 11:18

We nîûtûûra ûrî na ûmîrîru nîûndû kûrî na kîîrîgîrîro. Ngai agakûgitagîra na akûvecage ûvurûko.

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Thaburi 4:8

Mamaga ûrîrî na nganyitwa nî toro nîrî na thayû, nîûndû we Ngai-Mûnene, nîwe wenga tu ûngitagîra.

Thaburi 45:12

Andû a Turo nîmagaakûretera iveo makîyendithia kûrî we; andû arîa itonga nîmakaageragia kwîyendithia kûrî we.

Nthi 19:6

Andû eengî nîmeyendithagia kûrî andû arîa marî îgweta, andû onthe mendaga gûtuîka arata a mûndû mûtana.

Nthi 3:24

Rîrîa wîkarîte nthî, ndûgetigagîra; na wathiî kûmama, ûkaamamaga toro mbaro.

Isaia 17:2

Matûûra ma Sîria nîmatûûra marî mathame tene na tene. Ng'ondu na ng'ombe nîcio igekaraga kuo, ikaamamaga kuo na gûtirî mûndû ûkaaimakia.

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Isaia 60:14

Ciana cia arîa maagûkinyagîrîria nîigaaûka, ikwînamîrîre ikûve gîtîîo. Arîa onthe maakûnyararaga magaaûka menamîrîre mbere yaku. Magaagwîta, “Îtûûra rîa Ngai-Mûnene, Zayuni, Îtûûra rîa Ûrîa Mûtheru wa Isiraeli.”

Ezek 34:28

Itigaatavwa nî ndûrîrî ciîngî, kana ciûragwa kana irîwa nî nyamû cia kîthaka. Igaatûûra irî ngitîre na itakûmakua nî kîndû.

Alawi 26:6

“Nî ngaamûva thayû vûrûrirî wenyu, na mûkaamamaga mûtagwîtigîra wanarî mûndû. Nî ngaathiria nyamû cionthe njûku vûrûrirî na mûtikaarûa na nthû cienyu rîngî.

Mika 4:4

Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.

Zefania 3:13

Andû arîa matigîtwe kûu Isiraeli matigeka naaî, matikaria maveeni, kana mageria kûveenania. Makaagîcaga gîa kûrîa na marî na ûgitîri, na matagwîtigîra wanarî kîndû.”

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.