Ayubu 1:18 - ÎVUKU RÎA ÛVORO MWARO

¹⁸ Nayo ndungata ya kathatû nîyaûkire, na mbere ya îo yaragia îthiria kwaria nîyaugire atîrî, “Anake na erîtu aku nîmarîcaga irio makînyunyaga ndivei mûciî kwa mûrwang'ina ûrîa mûkûrû.

Ayubu 1:18 ပူးပေါင်းရင်းမြစ်များ

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

Ayubu 1:13

Mûthenya ûmwe rîrîa anake na erîtu a Ayubu maarîcaga irio na maanyunyaga marî mûciî kwa mwarwang'ina ûrîa mûkûrû,

Ayubu 1:17

Na rîrîa aaragia ndungata îngî nîyaûkire na îkîmwîra atîrî, “Akalidei mevangire ikundi ithatû na matharîkîra ngamîîra na macioca. Macoka maûraga ndungata ciaku. Nînie nienga tu ndigarire nîguo mbûke ngûmenyithie maûndû mama.”

Ayubu 1:19

Na wa rîmwe rûkûngi rûnene rumîte ya werûrî nî rûkire na rwaringa nyomba na yomomokera ciana ciaku cionthe ikînakua. Nînie nienga ndigarire nîguo mbûke ngûmenyithie maûndû mama.”

Ayubu 1:4

Wa mûndû gatagatîrî ka anake a Ayubu nîwarugaga kîrugo agacoka ageta anake acio engî vamwe wana erîtu nîguo marîcanîre vamwe.

Ayubu 16:14

Andivangîtie akambîkîra irema mwîrî wonthe, antharîkagîra ta mûthigari njamba.

Ayubu 23:2

Wana ûmûnthî mateta makwa nî marûrû, Ngai nîaramverithia wana ngîcaaga.

Ayubu 27:14

Wana ethîrwa arî na ciana nyîngî cionthe ikaûragîrwa mbaararî, na njiarwa ciake igatûûraga na yûra.

Ayubu 8:4

Ethîrwa ciana ciaku nînjîvîriu Ngai, ke amaverithîtie kûringana na mavîtia mao.

Thaburi 34:19

Andû arîa athingu matî mathîna meengî mûno, nwatî Ngai-Mûnene nîamavonokagia kuuma kûrî mo monthe.

Mûvunjia 9:2

Gûtirî ngûrani ya mûndû mûthingu na mûndû mwaganu, mûndû mwaro na mûndû mûcûku, mûndû mûtheru na ûtarî mûtheru, arîa marutaga matega na arîa matarutaga, nîûndû mûrigîrîrio wao onthe nî ûmwe. Gûtirî ngûrani ya mûndû mwaro na mwîvia, na gûtirî ngûrani ya mûndû ûrîa wîvîtaga na ûrîa ûtevîtaga.

Isaia 28:19

Rîrîa rîonthe mûthiro ûcio ûkûvîtûka nîûkaamûcûkangia; nîûndû ûkaavîtûkaga iraûko cionthe, mûthenya na ûtukû; nî gûkaagîa na guoya mûnene rîrîa ndûmîrîri îno îkeguîka.

Jeremia 51:31

Anjaama maumanaga vuva mavinyûrîte, makamenyithie mûthamaki wa Babuloni, atî îtûûra rîake nîrîgwate rîonthe.

Maca 1:12

“Taroriani mue muonthe mûravîtûka. Kûrî ûrî na kîeva ta gîakwa, kîeva kîrîa Ngai-Mûnene andeterete rîrîa aarakarîte mûno.