Ayubu 1:16 - ÎVUKU RÎA ÛVORO MWARO

¹⁶ Mbere ya arîkia kwaria, ndungata îngî ya Ayubu nîyaûkire na îkîmwîra atîrî, “Rûveni kuuma îgûrû kwa Ngai rûkire na rwavîvia ng'ondu na ndungata ciaku irîa ikûirîthagia ciathira. Nînie nienga ndigarire nîguo mbûke ngûmenyithie maûndû mama.”

Ayubu 1:16 ပူးပေါင်းရင်းမြစ်များ

Kîam 19:24

Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.

1Atha 18:38

Vîndî wa îo mwaki wa Ngai-Mûnene nîwaumire îgûrû na ûkîvîvia matega, ngû, mathiga, mûthetu na ûkînyarithia manjî marîa maarî mûtarorî.

2Atha 1:10

Nwatî Elija nîwacokerie mûnene ûcio atîrî, “Ethîrwa nîrî mûndû wa Ngai, ‘Mwaki ûronyûrûrûka kuuma îgûrû na ûgûcûkangie vamwe na athigari aku mîrongo îtano!’ ” Wa rîmwe mwaki nîwacokire ûkînyûrûrûka kuuma îgûrû na ûgîcûkangia mûnene ûcio wa athigari mîrongo îtano wa vamwe na athigari acio ake.

2Atha 1:12

Nake Elija nîwacokerie mûnene ûcio atîrî, “Ethîrwa nîrî mûndû wa Ngai, mwaki ûronyûrûrûka kuuma îgûrû na ûgûcûkangie vamwe na athigari aku mîrongo îtano!” Wa rîmwe mwaki nîwacokire ûkînyûrûrûka kuuma îgûrû na ûgîcûkangia mûnene ûcio wa athigari mîrongo îtano wa vamwe na athigari acio ake.

2Atha 1:14

Anene acio engî oîrî vamwe na athigari ao nîmaacûkangirue nî mwaki kuuma îgûrû; nwatî nakûthaitha ûmbîguîre ntha!”

Thaburi 45:3

Îyove rûviû rwaku njovero, we mûthamaki njamba; we wî mûthamaki mûnene na ûrî riiri.

Ntha 9:28

Thaitha Ngai-Mûnene, nîûndû mbura îno ya mbembe na ngwa nî mbîganu. Nîngwîranîra atî nîngûmûrekia mûthiî mûtigekare gûkû makîria.”

Alawi 10:2

Wa rîmwe, mwaki nîwaumire kûrî Ngai-Mûnene, ûkîmavîvia na magîkua Ngai-Mûnene akîonaga.

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Amosi 7:4

Ngai-Mûnene, Ngai nîwamonirie Kîoneki gîkî gîa kaîrî. Nînonire Ngai-Mûnene Ngai agîta mwaki nîguo averithie andû naguo. Mwaki ûcio nîwavîvirie manjî ma îria nginya kûrîa kûrikîru mûno na ûgîtamba nginya nthî nyûmû.

Kûguû 13:13

Nyamû îo ya kaîrî nîyaringire ciama nene. Nîyatûmire mwaki ûnyûrûrûka kuuma îgûrû gûka nthî andû onthe maroretie.

1Sam 14:15

Nao Afilisiti onthe arîa maarî na kûu mîgûndarî makîmaka. Andû arîa maathiîte kûûragana vamwe na athigari arîa maarî magemarî nîmaainainire nîûndû wa guoya; nîkwagîre na kîthingithia nthî na gûkîgîa na kîmako kînene mûno.