Atir 9:8 - ÎVUKU RÎA ÛVORO MWARO

⁸ Vîndî îmwe, mîtî nîyagomanire vamwe nîguo îthuure ûmwe wayo ûtuîke mûthamaki wayo. Nîyerire mûtî wa mûtamaiyû atîrî, ‘Ûka ûtuîke mûthamaki wetû.’

Atir 9:8 ပူးပေါင်းရင်းမြစ်များ

2Atha 14:9

Nwatî Jehoashi mûthamaki wa Isiraeli nîwatûmire anjaama acio kûrî Amazia, mûthamaki wa Juda makamwîre atîrî, “Vîndî îmwe mwîgua wa Lebanoni nîwatûmanire kûrî mûtarakwe wa kûu Lebanoni ûkiuga atî ‘Nenganîra mwarîguo avikue nî mûvîcîwa.’ Nyamû mbaganu nîyavîtûkîrîre kuo na îgîkinyanga mwîgua ûcio.

2Maû 25:18

Nake Joashi, mûthamaki wa Isiraeli nîwacokerie Amazia, mûthamaki wa Juda atîrî, “Vîndî îmwe mûtî warî na mîgua wî kîrîmarî Kîam Lebanoni nîwatûmanire kûrî mûtarakwe wî kîrîmarî Kîam Lebanoni ûkiuga, ‘Nengera mwarîguo avikue nî mûvîcîwa.’ Nwatî nyamû ya kîthaka Kîam Lebanoni nîyavîtûkîrîre kûu kîrîmarî na îgîkinyanga mûtî ûcio warî na mîgua ûkiunîkanga.

1Akor 12:15

Kûgûrû nwa kuge atîrî, “Nîûndû tînie njara, ndirî kîîga Kîam mwîrî.” Nwatî kuga ûguo gûtingîgiria kûgûrû rûtige gûtuîka kîîga Kîam mwîrî.

Atir 9:7

Rîrîa Jothamu aaveerwe ûvoro ûcio, nîwathiîre na akîrûngama îgûrû rîa gacûmbîrî ga kîrîma Kîam Gerizimu. Nîwaugîrîrie na mûgambo mûnene atîrî, “Nthikîrîriani mue andû a Shekemu nîguo wanake Ngai amûthikîrîrie!

Atir 9:9

Naguo mûtî wa mûtamaiyû nîwacokirie atîrî, ‘Mûrenda ndigane na wîra wa kûthondeka maguta marîa matûmaga Ngai na andû matîwe, nîguo nîmwathage?’