Atir 9:57 - ÎVUKU RÎA ÛVORO MWARO

⁵⁷ Ngai nîwacokire agîtûma andû a Shekemu manyitwe nî waganu wao o ene. Nîmaanyitirwe nî kîrumi kîrîa Jothamu mûvîcî wa Gideoni aarumanîte.

Atir 9:57 ပူးပေါင်းရင်းမြစ်များ

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

1Atha 16:34

Vîndî ya ûthamaki wa Ahabu nîrîo Hieli wa kuuma Betheli aatumire rîngî îtûûra rîa Jeriko. Vîndî îrîa Hieli aatumire mûcingi wa îtûûra rîu, mûvîcî Abiramu, ûrîa warî îrikithathi nîwakwire. Na rîrîa aatumire ivingo ciarîo, mûvîcî Segubu, ûrîa warî kîvinga nda nîwakwire. Ûndû ûcio wekîkire kûringana na ûrîa Ngai-Mûnene aarîtie kûvîtûkîrîra kûrî Joshua mûvîcî wa Nuni.

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

Thaburi 7:17

Nî ngaacokeria Ngai-Mûnene ngatho nîûndû wa ûthingu wake, na nîngaaina ngumie rîîtwa rîa Ngai-Mûnene, ûrîa ûrî Îgûrû Mûno.

Thaburi 94:23

Ngai nîakaaverithia andû nîûndû wa mavîtia mao, nîakaamathiria nîûndû wa waganu wao; Ngai-Mûnene, Ngai wetû nîakaamacûkangia viû.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Josh 6:26

Vuva wa ûguo Joshua nîwakaanirie andû na akîmera atîrî, “Mûndû ûrîa ûkaageria gûtuma rîngî îtûûra rîa Jeriko, nûkagwatwa nî kîrumi. Mûndû wa wonthe ûgaatuma mûcingi wa îtûûra rîa Jeriko, mwanake wake wa îrikithathi nî agaakua. Mûndû wa wonthe ûgaatuma mîvîrîga ya gûtonya kuo, nîkaaûrwa nî mwana wake wa kîvinga nda.”

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.

Atir 10:1

Vuva wa Abimeleki nîgwacokire gûgîûka mûndû wetagwa Tola, mûvîcî wa Pua nîguo avonokie Aisiraeli. Pua aarî mûvîcî wa Dodo na aarî wa mûvîrîga wa Isakaru. Tola aatûûraga Shamiru vûrûrirî ûrîa ûrî irîma wa Efiraimu.

Atir 9:20

Nwatî ethîrwa tî ûguo, mwaki ûrouma kûrî Abimeleki na ûvîvie andû a Shekemu na andû a Bethimilo viû. Na rîngî mwaki ûrouma kûrî andû a Shekemu na Bethimilo na ûvîvie Abimeleki viû.”

Atir 9:24

Ûndû ûyû wekîkire nîguo wîvia ûrîa wekirwe wa kûûraga avîcî mîrongo mûgwanja a Gideoni ûrîvîke. Nayo nthakame yao îgîcokerera Abimeleki na andû a Shekemu acio maamwîkîrire vinya nîguo aûrage aa mûrwang'ina.

Atir 9:45

Abimeleki nîwarûire na andû a îtûûra rîu mûthenya wonthe. Nîwarîtavire na akîûraga andû a kuo, akîrîtharia agîcoka agîtûrûra cumbî kûndû kuonthe îtûûrarî rîu.

Atir 9:56

Ûguo nîguo Ngai aarîvirie Abimeleki waganu ûrîa eekîte îthe rîrîa aûragithirie aa mûrwang'ina acio mîrongo mûgwanja.