Atir 9:5 - ÎVUKU RÎA ÛVORO MWARO

⁵ Nîwacokire akîthiî mûciî kwa îthe kûu Ofira na akîûragithîria aa mûrwang'ina mîrongo mûgwanja îthigarî rîmwe. Nwatî Jothamu mûvîcî wa Gideon ûrîa warî kîvinga nda, ndaaûragwa nîûndû nîwethithîte.

Atir 9:5 ပူးပေါင်းရင်းမြစ်များ

1Atha 1:12

Rîu ûka ngûtaare nîguo wîvonokie we mwene na ûvonokie mûvîcîguo Solomoni.

1Atha 1:21

Warega gwîka ûguo, kavinda kanini vuva wa gûkua gwaku, mûvîcîwa Solomoni nanie tûgaatuwa acukanîrîri.”

2Atha 10:17

Rîrîa maakinyire Samaria, Jehu nîwaûragire andû onthe a nyomba ya Ahabu arîa maatigarîte. Eekire ûguo wata ûrîa Ngai-Mûnene aarîtie na njîra ya Elija.

2Atha 10:7

Kwoguo rîrîa maanyitire maarûa îo, nîmaanyitire anake onthe mîrongo mûgwanja a mûthamaki Ahabu na makîmaûraga. Nîmeekîrire ciongo ciao ikavurî na makîvirîra Jehu kûu Jezireeli.

2Atha 11:3

Jehosheba eekarire na kamwana kau akathithîte hekarûrî îvinda rîa mîaka îtandatû. Vîndî îo Athalia nîke wathanaga vûrûrirî ûcio.

2Maû 21:4

Rîrîa Jehoramu eekarîre gîtî Kîam ûthamaki na wathani wake ûgîîkindîria, nîwaûragire aa mûrwang'ina onthe wa vamwe na anene amwe a Isiraeli.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Mathaayo 2:20

na akîmwîra atîrî, “Ûkîra woce mwana na ng'ina, na mûcoke vûrûrirî wa Isiraeli, nîûndû andû arîa maageragia kûûraga mwana nî akuû.”

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.

Atir 6:24

Gideoni nîwatumîre Ngai-Mûnene metha ya kîgongoona vau, na akîmîtuîra rîîtwa, “Ngai-Mûnene nî thayû.” Metha îo ya kîgongoona îtwîre kûu îtûûrarî rîa Ofira kwa mbarî ya Abiezeri.

Atir 8:30

Gideoni aarî na avîcî mîrongo mûgwanja, nîûndû aarî na aka eengî.

Atir 9:18

Nwatî ûmûnthî nîmûtharîkîre andû a mûciî wa vava na mwaûragîra avîcî ake mîrongo mûgwanja îthigarî rîmwe. Nîmûcokete mûgatua Abimeleki, mûvîcî wa ndungata yake ya mûndûmûka mûthamaki wa andû a Shekemu, nîûndû atî mûrî amwe nake.

Atir 9:2

“Namûthaitha mwarie mûkîgucagwa nî andû onthe a Shekemu, mûmaûrie atîrî, ‘Nî ûndû ûrîkû mûrona wagîrîrîte? Mûrenda kwathagwa nî avîcî onthe mîrongo mûgwanja a Gideoni, kana mûrenda kwathagwa nî mûndû ûmwe?’ Makîria ya ûguo, ririkanani, atî mue nanie tûrî a nthakame îmwe.”

Atir 9:6

Andû onthe a Shekemu na a Bethimilo nîmaaûnganire vamwe. Nîmaacokire makîthiî vakuvî na mûvuru ûrîa mwamûre kûu Shekemu na magîtua Abimeleki mûthamaki.