Atir 9:49 - ÎVUKU RÎA ÛVORO MWARO

⁴⁹ Nao andû acio onthe nîmaatinirie mvûa, wa mûndû rwake. Nîmaacokire makîrûmîrîra Abimeleki na magîcigîrîra nyombarî îrîa yarî ngitîre, magîcoka makîmundia nyomba îo mwaki kûrî na andû ndaarî. Nao andû onthe arîa maarî nyombarî îo ndaca ya Shekemu arûme na aka ta ngiri îmwe nîmaakwire.

Atir 9:49 ပူးပေါင်းရင်းမြစ်များ

Agal 5:15

Nwatî ethîrwa mwîkaga ta nyamû cia kîthaka, mûgatûma andû maturwe na mathînanie. Îîmenyerereni nîûndû nwa mûthiranie viû.

Jakuvu 3:16

Varîa varî wîru na wîyendi, vethagîrwa varî na mbûkanîrîro na maûndû macûku ma mîthemba yonthe.

Atir 9:15

Naguo mûtare wa kîthakarî nîwerire mîtî îo îngî atîrî, ‘Ethîrwa nîmûkwenda nduîke mûthamaki wenyu, ûkani mwîkare kîrururî gîakwa na ethîrwa tî mwîka ûguo, mwaki ûrouma mûtarerî ûyû wa kîthaka na ûvîvie mîtarakwe ya Lebanoni viû.’ ”

Atir 9:20

Nwatî ethîrwa tî ûguo, mwaki ûrouma kûrî Abimeleki na ûvîvie andû a Shekemu na andû a Bethimilo viû. Na rîngî mwaki ûrouma kûrî andû a Shekemu na Bethimilo na ûvîvie Abimeleki viû.”

Atir 9:48

Kwoguo nîwaunûkirie Kîrîmarî Kîam Zalimoni marî na andû ake. Nîwocire îthanwa, agîtinia rûvûa rwa mûtî na akîrwigîrîra gîturorî gîake. Nîwacokire akîra andû acio maarî nake atîrî, “Îkani narua ûguo mwona neka.”

Atir 9:50

Abimeleki nîwacokire akîthiî Thebezi, akîamba magema arigicîrîtie îtûûra rîu na akîrîtava.