Atir 9:15 - ÎVUKU RÎA ÛVORO MWARO

¹⁵ Naguo mûtare wa kîthakarî nîwerire mîtî îo îngî atîrî, ‘Ethîrwa nîmûkwenda nduîke mûthamaki wenyu, ûkani mwîkare kîrururî gîakwa na ethîrwa tî mwîka ûguo, mwaki ûrouma mûtarerî ûyû wa kîthaka na ûvîvie mîtarakwe ya Lebanoni viû.’ ”

Atir 9:15 ပူးပေါင်းရင်းမြစ်များ

2Atha 14:9

Nwatî Jehoashi mûthamaki wa Isiraeli nîwatûmire anjaama acio kûrî Amazia, mûthamaki wa Juda makamwîre atîrî, “Vîndî îmwe mwîgua wa Lebanoni nîwatûmanire kûrî mûtarakwe wa kûu Lebanoni ûkiuga atî ‘Nenganîra mwarîguo avikue nî mûvîcîwa.’ Nyamû mbaganu nîyavîtûkîrîre kuo na îgîkinyanga mwîgua ûcio.

Thaburi 104:16

Mîtî mînene ya Ngai-Mûnene nîgîcaga na manjî ma kwîgana, mîtarakwe ya Lebanoni îrîa ke aavandire.

Thaburi 29:5

Mûgambo wa Ngai-Mûnene nî unangaga mîtarakwe, nî unangaga mîtarakwe ya Lebanoni.

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Isaia 2:13

Nîagaakinda mîtarakwe yonthe ya Lebanoni, îrîa mîraca na mîaro, na mîvuru yonthe vûrûrirî wa Bashani.

Isaia 30:2

Ciambagîrîria rûgendo ithiîte Misiri itambûrîtie ûtaaro, ithiîte gûcaria ûgitîri wa mûthamaki wa Misiri, na ikathiî gûcaria gwa kwîthitha vûrûrirî wa Misiri!

Isaia 37:24

We nîwathekerere Mwathani na njîra ya ndungata ciaku, na ûkiuga atî, nîndwîte irîma irîa ndaca na ikaari ciakwa nyîngî cia mbaara, nginya ngakinya gacûmbîrî ka Lebanoni. Nînakindire mîtarakwe îrîa mîraca mûno, na mîthithinda yakuo îrîa mîaro mûno; nînginyîte mîthiia ya Lebanoni kûrîa kûraca mûno, na ngakinya kûrîa mûtitû ûrumîrîte.

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Ezek 19:14

Mwaki umîte gîtinarî Kîam mûthavibu, ûkathiî ûkavîvia mvûa ciaguo na matunda ma guo, nîguo gûtikethîrwe kûrî na gîtina kîrî na vinya, na gûtarî na mûragi wa wathani. Rûrû nî rwîmbo rwa macakaya, na rûvûthagîrwa rûrî rwa macakaya.

Ezek 31:3

Nîngûringithania na mûtî wa mûtarakwe wa Lebanoni, ûrîa ûrî mvûa mbaro na ûrî kîruru Kîamro. Nî mûtî mûraca mûno ûkinyîte maturî.

Danieli 4:12

Mathangû ma guo maarî mathaka, na warî na matunda meengî ma kwîgana andû onthe a nthî. Nyamû cia kîthaka nîciathiîcaga mwîgunyîrî wa mûtî ûcio, iconi nîciatumaga ciomba mvûarî ciaguo na ciûmbe cionthe ciarîcaga matunda ma mûtî ûcio.

Hosea 14:7

Nîmagacoka vûrûrirî wao na matûûre kuo nîmaagitîrîte, magekara waro ta mûgûnda ûvandîtwe ngano. Nîkaruta marao ta mûthavibu, na methîrwe na mûtararûko mwaro ta wa ndivei ya Lebanoni.

Ndari 21:28

Athigari a mbaara nîmaaumire Heshiboni, maaumire îtûûrarî rînene rîa Sihoni mekariî ta nînîmbî cia mwaki. Maacûkangirie îtûûra rîa Ari vûrûrirî wa Moabu, na magîcûkangia tûrîma twa rûnjî rwa Arinoni.

Mathaayo 13:32

Mvîndî îo nîyo nini mûno gûkîra mvîndî irîa ciîngî cionthe. Nwatî vîndî îrîa yakûra, nîcokaga gûtuîka mûtî ûrîa mûnene mûno gûkîra mîtî îrîa îngî yonthe îî mûgûndarî. Kwoguo iconi nîciûkaga na igatuma ciomba mvûarî ciaguo.”

Atir 9:14

Kwoguo mîtî yonthe nîyacokire îkîra mûtare wa kîthakarî atîrî, ‘Ûka arî we nîguo ûtuîke mûthamaki wetû.’

Atir 9:16

Jothamu nîwacokire akîmeera atîrî, “Ûndû ûcio mwîkîte wa gûtua Abimeleki mûthamaki wenyu nî wa ma na gîtîîo? Nîmûrekire Jerubaali na andû a mûciî wake maûndû maro marîa aagîrîrwe nî gwîkîrwa kûringana na ciîko ciake?

Atir 9:20

Nwatî ethîrwa tî ûguo, mwaki ûrouma kûrî Abimeleki na ûvîvie andû a Shekemu na andû a Bethimilo viû. Na rîngî mwaki ûrouma kûrî andû a Shekemu na Bethimilo na ûvîvie Abimeleki viû.”

Atir 9:44

Abimeleki na andû a gîkundi gîake nîmaavinyûrire makîthiî mbere nîguo makarangîre kîvingo gîa îtûûra, nacio ikundi icio ciîngî igîrî nîciatharîkîre andû arîa maarî na kûu mîgûndarî na makîmaûraga onthe.

Atir 9:49

Nao andû acio onthe nîmaatinirie mvûa, wa mûndû rwake. Nîmaacokire makîrûmîrîra Abimeleki na magîcigîrîra nyombarî îrîa yarî ngitîre, magîcoka makîmundia nyomba îo mwaki kûrî na andû ndaarî. Nao andû onthe arîa maarî nyombarî îo ndaca ya Shekemu arûme na aka ta ngiri îmwe nîmaakwire.