Atir 8:27 - ÎVUKU RÎA ÛVORO MWARO

²⁷ Gideoni nîwarûthire mûvuanano wa thaavu icio na akîwiga Ofira, îtûûrarî rîake. Nao Aisiraeli onthe nîmaatiganîrie Ngai na makîambîrîria kûmîgooca. Nayo nîyatuîkire mûtego kûrî Gideoni na andû a mûciî wake.

Atir 8:27 ပူးပေါင်းရင်းမြစ်များ

Thaburi 106:35

Nwatî nîmaanyitanîre na andû a ndûrîrî, na makîambîrîria gwîka tao.

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Thaburi 73:27

Arîa magûtiganagîria nama nîmakaathira; nîûgacûkangia arîa matarî evokeku.

Ntha 23:33

Mûtikanareke andû acio matûûre vûrûrirî wenyu, nîguo matigatûme mwîvie. Mûngîkaagooca ngai ciao, ûcio ûkethîrwa ûrî mûtego mûcûku mûno varî mue.”

Ntha 32:4

Aroni nîwocire mindo icio kuuma kûrî o, akîirarûra na mwaki na akîrûtha mûvuanano wa ndegwa ya thaavu nacio. Nao nîmaaugire atîrî, “Andû a Isiraeli îno nîyo ngai yenyu îrîa yamûrutire vûrûri wa Misiri!”

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Ezek 7:20

Nîmeetîîaga nîûndû wa ûthaka wa mathiga mao ma goro ma kwîgemia, na nîmaamatûmîre kûthondeka mîvuanano îrî magigi na mîmene mûno. Kwoguo nîngaatûma ûthaka ûcio wao ûtuîke kîndû kîrî mûgiro kûrî o.

Hosea 2:2

Tetiani nyûkwe mûtetieni, nîûndû rîu ke tî mûka wakwa, nanie tînie mûthuuriwe. Mwîreni aume atigane na ûtharia wake, mwîreni atigane na ûraa wake.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

Gûco 7:25

Nîmûkaavîvia mîvuanano ya kumua ya ngai ciao. Mûtigacumîkîre sîlûva kana thaavu ciao kana mûcioce ituîke cienyu nîûndû nî mûgiro kûrî Ngai-Mûnene.

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.

Atir 18:14

Arûme acio atano arîa maathiîte kûthigana vûrûri wa Laishi nîmeerire andû ao atîrî, “Nî mwîcî atî nyombarî îmwe ya ino kûrî na ngai ya mûvuanano îvakîtwe sîlûva kuonthe? Kûrî wana mîvuanano îngî na efodi. Rîu îîcirieni ûrîa mûgwîka.”

Atir 18:17

Athigani acio atano nîmaathiîre magîtonya nyomba na magîoca mûvuanano ûrîa wavakîtwe sîlûva, mîvuanano îo îngî vamwe na efodi. Nake mûthînjîri-Ngai na athigari arîa magana matandatû (600) marî na indo cia mbaara maarî kîvingorî.

Atir 2:2

Namue mûtikathondeke kîrîkanîro wanarî kîmwe na andû arîa matûûraga vûrûrirî ûyû. Nwanginya mwomomore metha ciao cia magongoona. Nwatî mûtiavingia ûrîa naamwîrire. Mwekire ûguo nîkî?

Atir 2:3

Kwoguo rîu nîramwîra atî, ndikengata andû aya kuuma kûrî mue. Makethagîrwa marî nthû cienyu na mûkaveenagîrîrua nî ngai ciao cia mîvuanano.”

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.

Atir 6:24

Gideoni nîwatumîre Ngai-Mûnene metha ya kîgongoona vau, na akîmîtuîra rîîtwa, “Ngai-Mûnene nî thayû.” Metha îo ya kîgongoona îtwîre kûu îtûûrarî rîa Ofira kwa mbarî ya Abiezeri.

Atir 8:26

Icûvî cia matû cia thaavu irîa Gideoni eetirie ciarî na ûrito wa vakuvî kilo mîrongo îîrî (20 kg) gûtatarîtwe mînyamû îrîa yacuragua ngingorî cia ngamîîra, mîkathî ya ngingo, na nguo cia rangi wa njambarawe irîa ciekagîrwa nî athamaki a Midiani.

Atir 8:28

Kwoguo Amidiani nîmaavootirwe nî Aisiraeli na matiacoka kûrûa rîngî. Vûrûri nîwagîre thayû îvinda rîa mîaka mîrongo îna, nginya rîrîa Gideoni aakwire.