Atir 8:2 - ÎVUKU RÎA ÛVORO MWARO

² Nake Gideoni nîwamacokerie atîrî, “Ûrîa nekire ndûrî na vata ûringithanîtue na ûrîa mwîkîte. Ûndû mûnini ûrîa mue andû a Efiraimu mwekire, ûrî na vata gûkîra ûrîa andû onthe a mbarî yakwa mekîte.

Atir 8:2 ပူးပေါင်းရင်းမြစ်များ

Alawi 19:9

“Rîrîa mûgûketha maketha ma mîgûnda yenyu, mûtigakethage irio irîa irî mîthiiarî ya mîgûnda, na mûtigacokage kûngania irio irîa îgaatigara mîgûndarî.

Ndari 26:30

mbarî ya Iezeri, mbarî ya Heleki,

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.

Atir 6:34

Gideoni nîwatonyirwe nî Roho wa Ngai-Mûnene, na nîwavuvire karumbeta agîta andû a mbarî ya Abiezeri mamûrûmîrîre.

Atir 8:1

Andû a Efiraimu nîmaanegenire mûno makîûragia Gideoni atîrî, “Waregire gûtwîta nîkî vîndî îrîa wathiîre kûrûa na Amidiani? Watwîkire ûguo nîkî?”

Atir 8:3

Mbere ya maûndû monthe, vinya wa Ngai nîwamûvotithirie kûûraga anene aîrî a Midiani, Orebu na Zeebu. Nie mbîkîte ûndû ûrîkû ûngîgananua na ûcio?” Rîrîa Gideoni aaugire ûguo, marakara ma andû acio a Efiraimu nîmaathirire.