Atir 8:10 - ÎVUKU RÎA ÛVORO MWARO

¹⁰ Zeba na Zalimuna maarî kûu Karikori marî na athigari ao a mbaara. Gatagatîrî ka athigari onthe a mbaara a mîvîrîga ya mwena wa îrathîro, athigari ngiri îkûmi na ithano tu nîo maatigarire. Athigari ngiri îgana rîmwe rîa mîrongo îrî maarî aûrage.

Atir 8:10 ပူးပေါင်းရင်းမြစ်များ

2Atha 3:26

Rîrîa mûthamaki wa Moabu aamenyire atî nîakûvootwa mbaararî, nîwocire arûme magana mûgwanja (700) arîa maarûaga na mviû na makîgeria kûûrîra kûrî mûthamaki wa Edomu, nwatî matiavota.

2Maû 13:17

Abija na athigari ake nîmaatharîkîre na makîûraga athigari eengî mûno a Isiraeli. Athigari arîa njamba a mbaara ngiri magana matano (500,000) a Isiraeli nîmaaûragirwe.

2Maû 28:6

Mûthamaki Peka mûvîcî wa Remalia nîwaûragire athigari ngiri îgana rîmwe rîa mîrongo îîrî (120,000) a Juda arîa maarî njamba mûthenya ûmwe, nîûndû nîmaatiganîrîtie Ngai-Mûnene, Ngai wa methe mao.

2Maû 28:8

Athigari a mbaara a Isiraeli nîmaatavire andû ngiri magana maîrî (200,000) a kuuma Juda, aka, anake na erîtu wana ethîrwa nîmaakonenie. Andû a Isiraeli nîmaamavirire Samaria wa vamwe na indo nyîngî irîa maatavîte.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Atir 20:15

Mûthenya ûcio kwarî na andû ngiri mîrongo îîrî na ithathatû (26,000) a Benjamini arîa maaumire matûûrarî mao. Gatagatîrî ka acio, nîmaathuurîte arûme magana mûgwanja (700) arîa maarî aro mûno.

Atir 20:17

Andû acio engî a mîvîrîga ya Isiraeli arîa maathomithîtue kûrûa maarî ngiri magana mana (400,000).

Atir 20:2

Atongoria a mîvîrîga yonthe ya Isiraeli maarî vau mûcemaniorî ûcio wa andû a Ngai, na kwarî na athigari ngiri magana mana (400,000) arîa maathiîcaga na magûrû.

Atir 20:25

Nao andû a Benjamini nîmaaumire Gibea riita rîa kaîrî na makîûraga athigari a mbaara a Isiraeli ngiri îkûmi na inyanya (18,000).

Atir 20:35

Ngai-Mûnene nîwavotithirie Aisiraeli kûvoota andû a Benjamini na Aisiraeli makîûraga athigari ngiri mîrongo îîrî na ithano na îgana rîmwe (25,100) a Benjamini mûthenya ûcio.

Atir 20:46

Mûthenya ûcio Aabenjamini onthe arîa maaûragirwe arîa maarî njamba maarî athigari ngiri mîrongo îîrî na ithano (25,000).

Atir 6:5

Maathiîre vûrûrirî wa Isiraeli na ng'ombe ciao, wana magema mao. Maathiîre vûrûrirî ûcio mengîvîte ta ngige. Andû acio o ene vamwe na ngamîîra ciao matiatarîkaga nîûndû wa kwîngîva. Maatonyire vûrûrirî nîguo maûcûkangie viû.

Atir 7:12

Amidiani, Amaleki na andû onthe a mwena wa îrathîro maanyagarûkîte kûu Kîamndarî ta gîtutu Kîam ngige na maarî na ngamîîra nyîngî ta mûthanga ûrîa wîthagîrwa ûrî rûtererî rwa îria.

Atir 7:13

Rîrîa Gideoni aakinyire, nîwegwire mûndû ûmwe akîra mûratawe ûvoro wîgiî kîroto. Aamwîraga atîrî, “Nîrarotaga atî mûgate wa cairi ûvingiritîte ûgaûka kûrîa twambîte magema na ûkaringa îgema. Îgema nîrîragûîre na rîkînyagarûka vau nthî.”

Atir 7:22

Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.

Atir 8:11

Gideoni nîwathiîrîre njîrarî ya andû arîa matûûraga magemarî, erekerete mwena wa îrathîro wa Noba na Jogibeha na akîtharîkîra athigari acio a mbaara wa rîmwe matakûmenya.