Atir 7:4 - ÎVUKU RÎA ÛVORO MWARO

⁴ Ngai-Mûnene nîwacokire akîra Gideoni atîrî, “Andû aya nwa engî mûno wana rîu. Mavire rûtererî rwa rûnjî na nîngûmagereria vo vandûrî vaku. Mûndû ûrîa ngakwîra mûthiî nake, mûkathiî nake; na mûndû ûrîa ngakwîra mûtikathiî nake, mûtikathiî nake.”

Atir 7:4 ပူးပေါင်းရင်းမြစ်များ

Kîam 22:1

Vuva wa maûndû mau Ngai nîwageririe Iburahimu. Nîwamwîrire atîrî, “Iburahimu!” Nake Iburahimu nîwacokirie atîrî, “Îî nîrî ava!”

Ayubu 23:10

Nwatî ke nîamenyaga njîra îrîa nûmagîrîra, rîrîa akangeria ngaumîra ntherete ta thaavu.

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Thaburi 66:10

We Ngai, nîûtûthimîte; nîûtûgeretie ta ûrîa sîlûva îtheragua na mwaki.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Atir 7:5

Kwoguo Gideoni nîwavirire andû rûtererî rwa rûnjî, na Ngai-Mûnene akîmwîra atîrî, “Andû arîa onthe makaanyua manjî ûrîa ngui înyunyaga ûmamûranie na andû arîa makaanyua manjî maturîtie maru.”

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”