Atir 6:4 - ÎVUKU RÎA ÛVORO MWARO

⁴ Nîmaatumire magema vûrûrirî wa Aisiraeli na magîcûkangia irio irîa ciarî mîgûndarî kûndû kuonthe kûrîa kûriganîtie na Gaza. Nîmaathiîre na ng'ondu cionthe, ng'ombe, na mvunda na matiatiga kîndû wanarî kîmwe kûngîtûûria Aisiraeli mwoyo.

Atir 6:4 ပူးပေါင်းရင်းမြစ်များ

Kîam 10:19

Wana nginya mîvaka yao nîyakinyire Sidoni, mwena wa îveti wa Gerari, nginya îgîkinya Gaza, na mwena wa îrathîro ûthiîte Sodomu, Gomora, Adima na Zeboimu vakuvî na Lasha.

Kîam 13:10

Loti nîwaroririe na akîona atî Kîamnda kîonthe Kîam Rûnjî rwa Jorodani, kûthiî nginya Zoari Kîamrî na manjî meengî, wata mûgûnda wa Ngai-Mûnene kana ta vûrûri wa Misiri. Vîndî îno Ngai-Mûnene ndaarî mûcûkangiu matûûra ma Sodomu na Ngomora.

Nthi 28:3

Mûtongoria ûrîa ûvinyagîrîria mûthîni, ekariî ta mbura îrîa yuraga îgatiga yacûkangia irio irî mîgûndarî.

Jeremia 5:17

Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.

Obadia 1:5

Rîrîa andû maûka ûtukû kwîa, na kinthî matiocaga tu wa indo irîa makwenda? Rîrîa andû magûketha thavibu, na kinthî matitigaragia tûnini? Nwatî nthû ciaku nîikûthirîtie viû.

Mika 6:15

Mûkaavanda nwatî mûtigaaketha kîndû, mûkaaviva ndamaiyû ciume maguta nwatî mûtigaatûmîra maguta mau. Mûkaaviva thavibu nwatî mûtikaanyua ndivei.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Gûco 28:51

Andû acio nîmakaarîa ndîthia cienyu na irio cienyu, nginya rîrîa mûkaarîwa nî yûra. Matikaamûtigarîria wanarî ngano, ndivei, maguta ma ndamaiyû, ng'ombe kana ng'ondu, nginya rîrîa mûgaakua.

Atir 6:3

Vîndî cionthe Aisiraeli mangîavandire mbeû, andû a Midiani na Amaleki vamwe na andû arîa maatûûraga werûrî mwena wa îrathîro nîmaathiîcaga na makamatharîkîra.