Atir 6:35 - ÎVUKU RÎA ÛVORO MWARO

³⁵ Nîwatûmire anjaama mathiî vûrûrirî wonthe wa Manase. Nao nîmaaûnganire vamwe na makîmûrûmîrîra. Nîwatûmire anjaama kûrî andû a mîvîrîga ya Asheri, Zebuluni, na Nafutali, nao nîmaathiîre kûmûtûnga.

Atir 6:35 ပူးပေါင်းရင်းမြစ်များ

Atir 4:10

Baraki nîwacokanîrîrie andû a mîvîrîga ya Zebuluni na Nafutali kûu Kadeshi na arûme ngiri îkûmi nîmaamûrûmîrîre wana Debora nîmaathiîre nake.

Atir 4:6

Nîwatûmanire Baraki mûvîcî wa Abinoamu wa îtûûra rîa Kadeshi vûrûrirî wa Nafutali na akîmwîra atîrî, “Ngai-Mûnene, Ngai wa Isiraeli akwathîte atîrî, ‘Thiî woce arûme ngiri îkûmi kuuma mîvîrîgarî ya Nafutali na Zebuluni na ûmatongorie mûthiî kîrîmarî gîa Taboru.

Atir 5:18

Andû a Zebuluni na Nafutali nîo meevirire ûgwatirî wa gîkuû marî mbaararî.

Atir 7:23

Nao Aisiraeli a kuuma mîvîrîgarî ya Nafutali, Asheri na Manase nîmaarûmîrîre Amidiani na îvenya.

Atir 7:3

Kwoguo anîrîra kûrî andû onthe ûmeere atîrî, ‘Mûndû wa wonthe ûretigîra nîacoke mûciî.’ ” Nao andû ngiri mîrongo îrî na igîrî nîmaacokire mûciî, nwatî andû ngiri îkûmi nîmaatigirwe kuo.