Atir 6:2 - ÎVUKU RÎA ÛVORO MWARO

² Andû a Midiani maarî na vinya gûkîra Aisiraeli. Nao Andû a Isiraeli nîmeethithire ngurungarî na kûndû kwîngî kûu irîmarî.

Atir 6:2 ပူးပေါင်းရင်းမြစ်များ

Ayubu 30:6

Nwanginya mangîathiîre kwîthitha ngurungarî, marimarî marîa menjîtwe nthî na mathigarî.

Jeremia 41:9

Kîriko Kîam manjî kîrîa Ishumaeli aikirie ciimba cia andû arîa aûragîte, Kîamrî kînene na kîenjîtwe nî mûthamaki Asa, akîîgitîra kuuma kûrî mûthamaki Baasha wa Isiraeli. Ishumaeli nîwecûririe îrima rîu na ciimba irîa aaûragîte.

Jeremia 48:28

“Mue atûûri a Moabu, umani matûûrarî menyu, mûthiî mûgatûûre ngurungarî cia mathiga! Tutiani ndutuura îrîa îtumaga kîomba Kîamyo mûromorî wa nguva.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Ahib 11:38

Andû acio mationaga vata wa gûtûûra nthî. Maaûrûraga ta ageni werûrî na irîmarî na matûûraga makurungurî na marimarî menjîtwe nthî.

Kûguû 6:15

Nao athamaki a nthî, andû arîa marî îgweta, anene na athigari a mbaara, itonga, andû arîa marî vinya, na andû arîa engî onthe, ngombo na arîa matarî ngombo nîmeethithire ngurungarî na mathigarî ma irîma.

Atir 10:8

Nao Afilisiti na Aamoni nîmaarivire na makîvinyîrîria andû onthe a Isiraeli arîa maatûûraga vûrûrirî wa Amori mwena wa îrathîro wa Jorodani kûu Gileadi îvinda rîa mîaka îkûmi na înana (18).

Atir 10:9

Aamoni nîmaaringire Jorodani na makîthiî kûrûa na andû a mûvîrîga wa Juda, Benjamini, na nyomba ya Efiraimu. Kwoguo Aisiraeli maarî na thîna mûno.

Atir 6:3

Vîndî cionthe Aisiraeli mangîavandire mbeû, andû a Midiani na Amaleki vamwe na andû arîa maatûûraga werûrî mwena wa îrathîro nîmaathiîcaga na makamatharîkîra.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;

1Sam 14:11

Nao oîrî nîmeeyonithanirie kûrî Afilisiti, nao Afilisiti nîmaaugire atîrî, “Aia! Taroriani mwone Ahibirania amwe makiuma marimarî kûrîa marethithîte!”