Atir 6:15 - ÎVUKU RÎA ÛVORO MWARO

¹⁵ Gideoni nîwacokirie atîrî, “Mwathani, nîngîvonokia Aisiraeli atîa? Mbarî yetû nîyo îtarî vinya mûvîrîgarî wa Manase, na kûrî andû onthe nyombarî ya vava nie ndirî îgweta.”

Atir 6:15 ပူးပေါင်းရင်းမြစ်များ

Kîam 32:10

Ndirî mwagîrîru wanarî vanini wa kwonua wendo ûtathiraga na wîvokeku ûrîa ûmonetie nie ndungata yaku. Naaringire rûnjî rwa Jorodani nîrî na mûragi tu, na rîu naûka na ikundi igîrî.

Ntha 3:11

Nwatî Musa nîwerire Ngai atîrî; “Nie nîrî û atî nîguo nthiî kûrî mûthamaki ngarute andû a Isiraeli maume Misiri?”

Ntha 4:10

Nwatî Musa nîwaugire atîrî, “Ngai-Mûnene, we Mwathani wakwa, ndûkandûme nie. Ndicî kwaria waro kuuma tene, wana kuuma vîndî îrîa wambîrîrie kûmbarîria na nînyenyaga.”

Jeremia 1:6

Nînacokire ngiuga atîrî, “Ûûi, Mwathani Ngai-Mûnene! Taroria, nie ndiîcî kwaria na nîûndû nîrî mûndû mwîthî.”

Jeremia 50:45

Kwoguo tathikîrîriani mûvango ûrîa nie Ngai-Mûnene nîrî naguo îgûrû rîgiî Babuloni, na maûndû marîa mvangîte gwîka andû a kuo. Nama ciana ciao nîigaakururua ithiîwe nacio, na andû onthe nîmakaamaka.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Luka 1:34

Nake Mariamu nîwaûririe mûraika ûcio atîrî, “Ûguo kûngîvotekeka atîa na nie nîrî nthingi?”

1Akor 15:9

Nie nînie mûnini viû gatagatîrî ka atûmwa arîa engî onthe. Nie wana ndirî mwagîrîru wa gwîtwa mûtûmwa nîûndû nînaanyaririre kanitha wa Ngai.

Aefeso 3:8

Nîrî mûnini gûkîra andû onthe a Ngai, nwatî Ngai nîwamûvere kîveo kîu Kîam mwanya. Nakîo kîveo kîu nî gîa kûvunjia kûrî andû a Ndûrîrî ûvoro mwaro wîgiî ûtonga ûrîa ûtarî kîthimi wa Kristû.

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.

1Sam 18:23

Nacio ndungata icio cia Saûlo ciera Daudi ûvoro ûcio, Daudi nîwacokirie atîrî, “Mûreciria nî ûndû mûvûthû gûtuîka mûthoniwe wa mûthamaki na makîria mûndû mûthîni ûtarî îgweta tanie.”

1Sam 9:21

Nake Saûlo nîwacokirie na akiuga atîrî, “Nie nîrî wa mûvîrîga wa Benjamini. Mûvîrîga wa Benjamini nîguo mûnini viû kûu Isiraeli. Nao andû a mûciî wakwa nîo methagîrwa marî anini mûno gûkîra andû arîa engî kûu mûvîrîgarî ûcio. Nîndûî vi kîratûma ûmbîre ûguo?”