Atir 5:23 - ÎVUKU RÎA ÛVORO MWARO

²³ Mûraika wa Ngai-Mûnene arauga atîrî, “Îtûûra rîa Merozu rîronyitwa nî kîrumi, andû arîa matûûraga kuo maronyitwa nî kîrumi. Nîûndû matiaûka gûtethia Ngai-Mûnene, kûrûa na andû arîa marî vinya.”

Atir 5:23 ပူးပေါင်းရင်းမြစ်များ

Nehemia 3:5

Na arûme a Tekoa nîmaatumire rîngî gîcunjî kîrîa Kîamriganîtie na kîrîa gîatumirwe nî Zadoku. Nwatî atongoria ao matiaruta wîra ûrîa maavetwe nî mwathi wao.

Thaburi 94:16

Nîûrîkû wandethirie kûrûa na andû arîa aganu? Nîûrîkû warî mwenarî wakwa ngîrûa na eki naaî?

Jeremia 48:10

Kûgwatwa nî kîrumi nî mûndû ûrîa ûrutaga wîra wa Ngai-Mûnene na mûvûthia; na kûgwatwa nî kîrumi nî mûndû ûrîa ûgiragia rûviû rwake rwîtûrûra nthakame!

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Aroma 15:18

Ngaaragia tu nîrî na ûmîrîru ûvororî wîgiî ûrîa Kristû ekîte kûrî nie, akandûmîra nîguo andû a Ndûrîrî mathîkîre Ngai na njîra ya ciugo na ciîko ciakwa,

1Akor 16:22

Mûndû wa wonthe ûtendete Mwathani arogwatwa nî kîrumi. Maranatha: Mwathani wetû, ûka!

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Atir 13:3

Mûraika wa Ngai-Mûnene nîwaumîrîre mûndûmûka ûcio na akîmwîra atîrî, “Taroria, we ûtûîre ûrî nthata, nwatî îvinda rîtarî îraca nîûkûgîa îvu na nîûgaaciara kavîcî.

Atir 2:1

Mûraika wa Ngai-Mûnene nîwathiîre Bokimu aumîte Giligali na akîra Aisiraeli atîrî, “Naamûrutire Misiri na ngîmûrete vûrûrirî ûrîa nerîîre methe menyu ma tene na mwîvîtwa atî nîngaamava. Naugire ndikauna kîrîkanîro gîetû namue.

Atir 21:5

Nîmaacokire makîûrania atîrî, “Gatagatîrî ka mîvîrîga yonthe ya Isiraeli nî mûvîrîga ûrîkû ûtaathiî mbere ya Ngai-Mûnene kûu Mizipa?” (Nîmeevîtîte makauga atî mûndû ûrîa ûtakaathiî mbere ya Ngai-Mûnene kûu Mizipa nîkwa akaaûragwa.)

Atir 21:8

Nîmaacokire makîûria atîrî, “Gatagatîrî ka mîvîrîga ya Isiraeli, nî mûvîrîga ûrîkû ûtaathiî mbere ya Ngai-Mûnene kûu Mizipa?” Nîmaamenyire atî gûtirî mûndû wanarî ûmwe kuuma Jabeshi-gileadi warî mûcemaniorî ûcio.

Atir 4:6

Nîwatûmanire Baraki mûvîcî wa Abinoamu wa îtûûra rîa Kadeshi vûrûrirî wa Nafutali na akîmwîra atîrî, “Ngai-Mûnene, Ngai wa Isiraeli akwathîte atîrî, ‘Thiî woce arûme ngiri îkûmi kuuma mîvîrîgarî ya Nafutali na Zebuluni na ûmatongorie mûthiî kîrîmarî gîa Taboru.

Atir 5:13

Andû arîa etîkia nîmaathiîre kûrî anene ao, andû a Ngai-Mûnene nîmaathiîre kûrî ke, meevarîrîtie kûrûa na andû arîa njamba.

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.

Atir 8:5

Rîrîa maakinyire Sukothu, Gideoni nîwerire andû a îtûûra rîu atîrî, “Namûthaitha, rûmiani andû akwa mîgate. Nîathiru vinya, na nûmîrîrîtie Zeba na Zalimuna, athamaki a Midiani na îvenya.”

Atir 8:6

Anene a Sukothu, nîmaaûririe Gideoni atîrî, “Nîtûva andû aku irio nîkî? We ndûrî ûratava Zeba na Zalimuna.”

Atir 8:8

Gideoni nîwaumire kûu akîthiî Penueli na akîûria andû a kuo mamwîkîre ûndû wata ûcio. Nwatî andû a Penueli nîmaamûcokerie wata ûrîa andû a Sukothu maamûcokeretie.

1Sam 17:47

Nao andû aya onthe marî ava nîmakûmenya atî Ngai-Mûnene ndavonokanagia na rûviû rwa njûra na îtumû. Ke nîke ûvootanaga mbaararî na nîke ûgûtûma tûmûvoote mue muonthe.”

1Sam 18:17

Saûlo nîwacokire akîîra Daudi atîrî, “Merabu mwarîwa ûrîa mûkûrû nîke ûyû, Nîngûkûva ke atuîke mûka waku ethîrwa nîûkûndungatîra ta mûthigari mûmîrîru na mwîvokeku na ûrûage mbaara cia Ngai-Mûnene.” (Nîûndû Saûlo eeciragia atî na njîra îno Afilisiti nîmakûûraga Daudi vandû va Saûlo ke mwene aûrage Daudi.)

1Sam 25:28

Nîrakûthaitha mwathi wakwa ûnjovere nie ndungata yaku. Ngai-Mûnene nîgaagûtua mûthamaki wana njiarwa ciaku, nîûndû nîûmûrûagîrîra mbaararî, na we ndûkoona ûûru matukû monthe ma ûtûûro waku.

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’