Atir 5:15 - ÎVUKU RÎA ÛVORO MWARO

¹⁵ Atongoria a Isakaru maaûkire na Debora, Baraki nîwaûkire na Isakaru nîwaûkire, nîmaamûrûmîrîre na kûu Kîamndarî. Nwatî andû a mûvîrîga wa Reubeni, matiarî atuu ciira ûrîa magwîka.

Atir 5:15 ပူးပေါင်းရင်းမြစ်များ

Kîam 35:23

Avîcî a Lea maarî: Reubeni (îrikithathi rîa Jakovu), Simeoni, Lawi, Juda, Isakaru, na Zebuluni.

1Maû 12:32

Kuuma mûvîrîgarî wa Isakaru kwarî na andû maarî na ûûgî wa kûmenya maûndû marîa magekîka na ûrîa andû a Isiraeli magîrîrwe nî gwîka. Andû acio maarî atongoria magana maîrî (200) vamwe na andû ao arîa maarî rungu rwao.

Nthi 22:13

Kîgûûta kiugaga atîrî, “Ndingiuma nja; kûu kûrî na mûnyambû na nîûkûmbûraga!”

Ciîko 15:39

Nake Paûlo na Baranaba nîmaakararanirie na vinya mûno magîtigana Baranaba nîwocire Maariko na makîthiî na meri kinya Kuporo.

Ciîko 20:13

Tue nîtwatwîre meri na tûkîthiî Asosi mbere ya Paûlo, nîûndû ke nîwatuîte athiî kuo na magûrû. Kûu Asosi nîkuo twarî tûmûkuîre na meri.

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

Atir 4:10

Baraki nîwacokanîrîrie andû a mîvîrîga ya Zebuluni na Nafutali kûu Kadeshi na arûme ngiri îkûmi nîmaamûrûmîrîre wana Debora nîmaathiîre nake.

Atir 4:14

Debora nîwacokire akîra Baraki atîrî, “Thiî! Ngai-Mûnene nîagûgûtongoria! Ûmûnthî nîagûkûvotithia kûvoota Sisera.” Kwoguo Baraki nîwaumire kîrîmarî gîa Taboru arûmîrîrîtwe nî andû acio ngiri îkûmi.

Atir 4:6

Nîwatûmanire Baraki mûvîcî wa Abinoamu wa îtûûra rîa Kadeshi vûrûrirî wa Nafutali na akîmwîra atîrî, “Ngai-Mûnene, Ngai wa Isiraeli akwathîte atîrî, ‘Thiî woce arûme ngiri îkûmi kuuma mîvîrîgarî ya Nafutali na Zebuluni na ûmatongorie mûthiî kîrîmarî gîa Taboru.

Atir 5:16

Nîndûî gîatûmire mekare nyombarî cia ng'ondu? Nîguo mathikîrîrie mûrîthi agîta ndîthia? Andû a mûvîrîga wa Reubeni matiarî atuu ciira.