Atir 5:12 - ÎVUKU RÎA ÛVORO MWARO

¹² Ûkîra, ûkîra, Debora! Ûkîra! Ûkîra! Ina rwîmbo! Rûngama, Baraki mûvîcî wa Abinoamu, tongoreria mîgwate yaku mûthiî!

Atir 5:12 ပူးပေါင်းရင်းမြစ်များ

Thaburi 108:2

Ûkîra, we ngita na kînanda! Nîngûkîra mbere ya gûkîe.

Thaburi 57:8

Roho wakwa, ûkîra! Ûkîra we ngita na kînanda! Nîngûkîra mbere ya gûkîe.

Thaburi 57:9

Nîngaagûcokeria ngatho we Mwathani, nîrî gatagatî ka mavûrûri, nîngaakwinîra nyîmbo cia gûgûkumia nîrî gatagatî ka andû.

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Isaia 14:2

Andû a mavûrûri nîmagaatethereria andû a Isiraeli gûcoka vûrûrirî ûrîa maaverwe nî Ngai-Mûnene. Nao andû acio a mavûrûri nîmagaatungatagîra Aisiraeli marî ngombo. Arîa maatavîte Aisiraeli nîmagaatavwa nî Aisiraeli, na andû a Isiraeli nîmakaatha arîa maamavinyagîrîria.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Isaia 60:1

We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Jeremia 31:26

Kwoguo andû nîmakaugaga atîrî, ‘Nînamamire na ngîramûka nogokete waro mûno.’ ”

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

Aefeso 4:8

Wa ta ûrîa mandîko matheru maugîte atî: “Vîndî îrîa ke aathiîre îgûrû, nîwatongoririe andû arîa maatavîtwe, na akîvecana iveo kûrî andû.”

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

2Tim 2:26

Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.

Atir 5:13

Andû arîa etîkia nîmaathiîre kûrî anene ao, andû a Ngai-Mûnene nîmaathiîre kûrî ke, meevarîrîtie kûrûa na andû arîa njamba.