Atir 4:9 - ÎVUKU RÎA ÛVORO MWARO

⁹ Debora nîwacokerie Baraki atîrî, “Nîngwîtîkîra tûthiî nawe, nwatî ûmenye twathiî nawe tîwe ûkûgîa gîtîîo nîûndû wa kûvootana nîûndû Ngai-Mûnene akavecana Sisera kûrî mûndûmûka.” Kwoguo Debora na Baraki nîmaathiîre Kadeshi.

Atir 4:9 ပူးပေါင်းရင်းမြစ်များ

2Maû 26:18

na makîmûgiria avîvia ûbani. Nîmaamwîrire atîrî, “Mûthamaki Uzia, ndwagîrîrwe nî kûrutîra Ngai-Mûnene îgongoona rîa kûvîvia ûbani. Ûcio nî wîra wa athînjîri-Ngai, njiarwa cia Aroni nîûndû nîo amûrîre wîra wa kûvîvia ûbani. Thiî ume vandû ava vatheru, nîûndû nîwavîtia na ûndû ûyû ndûngîkûretere kîrathimo kuuma kûrî Ngai-Mûnene, Ngai.”

Atir 2:14

Kwoguo Ngai-Mûnene nîwarakarire nîûndû wa Aisiraeli na akîmarekereria kûrî nthû, nacio nîciaîire indo ciao. Nîwarekererie nthû cionthe irîa ciamathiûrûrûkîrîtie imavoote, na Aisiraeli matingîavotire kwîgitîra.

Atir 4:8

Nake Baraki nîwerire Debora atîrî, “Ethîrwa nîûkûthiî wananie nîngûthiî, nwatî ethîrwa tîûthiî wananie tînthiî.”

Atir 9:53

Nwatî mûndûmûka ûmwe warî kuo nîwaikîrie Abimeleki îthiga rîa kîthîi na rîkûmûmondora îvîndî rîa kîongo.

Atir 9:54

Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.