Atir 3:8 - ÎVUKU RÎA ÛVORO MWARO

⁸ Kwoguo Ngai-Mûnene nîwarakarirue nî Aisiraeli na agîtûma mûthamaki Kushani-rishathaimu wa Mesopotamia amavoote. Nao andû a Isiraeli nîmaamatungatîre îvinda rîa mîaka înana.

Atir 3:8 ပူးပေါင်းရင်းမြစ်များ

Kîam 24:10

Ndungata îo yamenyagîrîra indo cia Iburahimu nîyocire ngamîîra îkûmi kuuma kûrî ngamîîra cia mwathi wayo na indo irîa mbaro mûno, îkîthiî kûrîa Nahoru aatûûraga mwena wa rûgûrû wa Mesopotamia.

Thaburi 106:41

Nîwamarekererie kûrî andû a ndûrîrî, na magîcoka kwathwa nî nthû ciao.

Thaburi 129:1

Nthû ciakwa itwîre inyamaragia kuuma nîrî mwîthî andû onthe Isiraeli nîmauge ûguo.

Thaburi 44:12

Nîwendetie andû aku na thogora mûnini mûno, na ndwetia kîndû kînene wamendia.

Thaburi 6:1

Ûûi Ngai-Mûnene, ndûkanganie ûrî na marakara! Ndûkamverithie ûrî na marûrû!

Thaburi 85:3

Nîûthirîtie marakara maku monthe, nîûtigîte kûgîa na marakara marûrû.

Ntha 22:24

nanie nîngaarakara na nîmûragithîrie mbaararî. Nao aka enyu nîmagaatuîka a ndigwa nacio ciana cienyu itigwe itarî na methe.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Habakuku 3:7

Nonire andû a Kushani makîthînîka, na andû a Midiani makinaina.

Aroma 7:14

Nîtwîcî atî watho uumaga kûrî Ngai, nwatî nie nîrî mûndû wî na mwîrî na wendetue agatuîka ngombo ya mevia.

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Atir 2:14

Kwoguo Ngai-Mûnene nîwarakarire nîûndû wa Aisiraeli na akîmarekereria kûrî nthû, nacio nîciaîire indo ciao. Nîwarekererie nthû cionthe irîa ciamathiûrûrûkîrîtie imavoote, na Aisiraeli matingîavotire kwîgitîra.

Atir 2:20

Kwoguo Ngai-Mûnene nîwarakarirue nî Aisiraeli na akiuga atîrî, “Nîûndû andû a rûciaro rûrû nîmaregete kûvingia kîrîkanîro kîrîa naathondekire na methe mao ma tene na nîmareganîte nanie

Atir 3:10

Othinieli nîwecûrirwe nî Roho wa Ngai-Mûnene na agîtuîka mûtongoria wa andû a Isiraeli. Nîwathiîre mbaararî na Ngai-Mûnene akîmûvotithia kûvoota mûthamaki Kushani Rishathaimu wa Mesopotamia.

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.

Atir 3:9

Nwatî rîrîa Aisiraeli maavoire Ngai-Mûnene, nîwamatûmîre mûndû wetagwa Othinieli nîguo amavonokie. Othinieli aarî mûvîcî wa Kenazi. Kenazi nîke warî mûrwang'ina ûrîa mûnini wa Kalebu.

Atir 4:9

Debora nîwacokerie Baraki atîrî, “Nîngwîtîkîra tûthiî nawe, nwatî ûmenye twathiî nawe tîwe ûkûgîa gîtîîo nîûndû wa kûvootana nîûndû Ngai-Mûnene akavecana Sisera kûrî mûndûmûka.” Kwoguo Debora na Baraki nîmaathiîre Kadeshi.

1Sam 12:9

Nwatî andû nîmaariganîrwe nî Ngai-Mûnene, Ngai wao, na kwoguo Ngai-Mûnene nîwarekererie Afilisiti, mûthamaki wa Moabu, Sisera ûrîa watongoragia athigari a îtûûra rîa Hazoru nîguo marûe na methe menyu ma tene na mamavoote.