Atir 3:27 - ÎVUKU RÎA ÛVORO MWARO

²⁷ Rîrîa aakinyire kûu vûrûrirî ûrîa ûrî irîma wa Efiraimu, nîwavuvire karumbeta agîta Aisiraeli nîguo mathiî mbaararî. Nîwamatongoririe na makiuma vûrûrirî ûcio ûrî irîma.

Atir 3:27 ပူးပေါင်းရင်းမြစ်များ

2Sam 20:22

Mûndûmûka ûcio nîwacokire akîthiî kûrî andû onthe arî na mûvango ûcio na akîaria nao na njîra îrî na ûûgî. Nao nîmaatinirie kîongo Kîam Sheba na magîgikîria Joabu mwena ûcio wîngî wa rûthingo. Joabu nîwacokire akîvuva karumbeta nîguo andû ake maume îtûûrarî rîu na menûke wa mûndû gwake mûciî. Nake Joabu nîwacokire Jerusalemu kûrî mûthamaki.

2Atha 9:13

Wa rîmwe anene acio nîmaarutire nguo ciao na magîciara nthî nîguo Jehu akinye îgûrû rîacio. Nîmaacokire makîvuva tûrumbeta na makiugîrîria atîrî, “Jehu nîke Mûthamaki!”

Nehemia 4:14

Nînaroririe ngîona atî andû maarî amaku mûno. Kwoguo nînameerire wa vamwe na atongoria na anene ao atîrî, “Mûtikamakue nî nthû cietû. Ririkanani ûrîa Mwathani arî mûnene na arî vinya na mûrûîrîre andû enyu, ciana cienyu, aka enyu, na mîciî yenyu.”

Josh 17:15

Joshua nîwamacokerie atîrî, “Ethîrwa mûrî eengî na vûrûri wa Efiraimu ûrîa ûrî irîma nî mûnini mûno ndûngîmwîgana, thiîni vûrûrirî wa Aperizi na Refaimu kûu mûtitûrî mûkethererie kîthaka kuo ûtuîke wenyu.”

Josh 17:18

Vûrûri ûrîa ûrî irîma nîûtuîka wenyu. Wana ethîrwa nî mûtitû, mue mûkaaûtheria na ûtuîke wenyu wonthe. Naguo ûvoro wîgiî andû a Kanaani, wana ethîrwa marî na ikaari cia mbarathi cia cuuma na marî na vinya nîmûkaamengata maume kuo.”

Atir 10:1

Vuva wa Abimeleki nîgwacokire gûgîûka mûndû wetagwa Tola, mûvîcî wa Pua nîguo avonokie Aisiraeli. Pua aarî mûvîcî wa Dodo na aarî wa mûvîrîga wa Isakaru. Tola aatûûraga Shamiru vûrûrirî ûrîa ûrî irîma wa Efiraimu.

Atir 17:1

Vîndî îmwe kwarî na mûndû watûûraga vûrûrirî ûrîa ûrî irîma wa Efiraimu. Mûndû ûcio eetagwa Mika.

Atir 19:1

Vîndî îo mbere ya kûgîa na mûthamaki kûu Isiraeli, kwarî na Mûlawi ûmwe watûûraga kûndû kûraca vûrûri ûrîa ûrî irîma wa Efiraimu. Mûlawi ûcio nîwocire mûndûmûka kuuma Bethilehemu ya Juda nîguo atuîke mûka wa kwiga.

Atir 3:26

Vîndî îo ndungata cia Egiloni cietererete, Ehudi aarî mûtoroku na akathiî Seira avîtûkîrîrîte vakuvî na mîvuanano ya mathiga îrîa yacîtwe.

Atir 5:14

Nîmaaumire Efiraimu makîthiî Kîamndarî, marûmîrîrîtie andû ao a mûvîrîga wa Benjamini. Atongoria a mbaara nîmaaumire Makiru, anene a mbaara nîmaaumire Zebuluni.

Atir 6:34

Gideoni nîwatonyirwe nî Roho wa Ngai-Mûnene, na nîwavuvire karumbeta agîta andû a mbarî ya Abiezeri mamûrûmîrîre.

Atir 7:24

Gideoni nîwatûmire anjaama vûrûrirî wonthe ûrîa ûrî irîma wa Efiraimu makauge atîrî, “Nyûrûrûkani mûkarûe na Amidiani. Nyitani mariûko ma manjî nginya Bethibara kûu Jorodani nîguo Amidiani matikaringe.” Kwoguo andû onthe a Efiraimu nîmaaûnganire vamwe, na makînyita mariûko mau monthe nginya Bethibara kûu Jorodani.

1Sam 13:3

Nake Jonathani nîwaûragire mûnene wa Afilisiti arîa maarî Geba, nao Afilisiti onthe makîgua ûvoro ûcio. Nake Saûlo agîtûma anjaama na akîmeera mete Ahibirania na njîra ya kûvuva karumbeta vûrûrirî wonthe.