Atir 3:19 - ÎVUKU RÎA ÛVORO MWARO

¹⁹ Nwatî rîrîa aakinyire kûrî mîvuanano ya mathiga îrîa yacîtwe na yarî vakuvî Giligali, nîwacokire kûrî Egiloni na akiuga atîrî, “Mwathi wakwa, nîrî na ndûmîrîri yaku ya nthitho.” Kwoguo mûthamaki nîwathanire ndungata ciake ciume nja, nacio cionthe nîciaumire nja.

Atir 3:19 ပူးပေါင်းရင်းမြစ်များ

Kîam 45:1

Josefu nîwegwire atî ndangîvota kwîyûmîrîria rîngî arî mbere ya ndungata ciake. Nîwathanire onthe maume nja. Gûtirî mûndû wîngî wanarî ûmwe warî vo Josefu akîîmenyithania kûrî aa mûrwang'ina.

2Sam 13:9

Nîwacokire akîmwîvûrîra, nwatî nîwaregire kûrîa. Amunoni nîwerire Tamarû atîrî, “Îngata andû onthe maume nja.” Nao andû onthe nîmaaumire nja.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Josh 4:20

Na kûu Giligali nîkuo Joshua aaigire mathiga marîa maakuuire kuuma gatagatî ka rûnjî rwa Jorodani.

Atir 3:18

Rîrîa Ehudi aanenganîre iveo kûrî Egiloni, nîwerire arûme arîa maakuîte iveo icio macoke mûciî.

Atir 3:20

Ehudi nîwacokire akîthiî kûrî mûthamaki nyombarî ya îgûrû îrîa aarî arî wenga kûrîa aanogokaga vîndî ya ûrugarî. Nîwacokire akîmwîra atîrî, “Nîrî na ndûmîrîri yaku kuuma kûrî Ngai.” Nake mûthamaki nîwarûngamire.