Atir 21:6 - ÎVUKU RÎA ÛVORO MWARO

⁶ Andû a Isiraeli nîmeguîrîre andû ao ntha a mûvîrîga wa Benjamini na makiuga atîrî, “Ûmûnthî Isiraeli nîaûrîre nî mûvîrîga ûmwe wao.

Atir 21:6 ပူးပေါင်းရင်းမြစ်များ

2Sam 2:26

Abineri nîwetire Joabu na akîmûria atîrî, “Nîkwa tûgûtûûra tûrûaga tene na tene? Nîkwa ûtaramenya atî mûthiiarî gûtikethîrwa kûrî na umithio tiga marûrû matheri? Tûrî a îthe ûmwe. Nîkwa ûgakaania andû aku matige gûtûvinyûria rî?”

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Atir 11:35

Rîrîa Jefitha aamwonire, nîwatembûrangire nguo ciake nîûndû wa kîeva na akiuga atîrî, “Ûûi, mwarîwa! Nîwambûraga ngoro! Nîwatûma nyitwa nî mathîna meengî mûno. Nînerîrîre Ngai-Mûnene na mwîvîtwa na ndingîvota kûregana naguo!”

Atir 20:23

Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.

Atir 21:15

Aisiraeli nîmeguîrîre Aabenjamini ntha nîûndû Ngai-Mûnene nîwatûmîte kûgîe na nyamûkano gatagatî ka Isiraeli.

Atir 21:5

Nîmaacokire makîûrania atîrî, “Gatagatîrî ka mîvîrîga yonthe ya Isiraeli nî mûvîrîga ûrîkû ûtaathiî mbere ya Ngai-Mûnene kûu Mizipa?” (Nîmeevîtîte makauga atî mûndû ûrîa ûtakaathiî mbere ya Ngai-Mûnene kûu Mizipa nîkwa akaaûragwa.)

Atir 21:7

Tûgeka atîa nîguo tûve arûme a mûvîrîga wa Benjamini arîa matigarîte aka, nîûndû nîtwevîtire mbere ya Ngai-Mûnene atî tûtikaavecana erîtu etû mavikue nî andû a mûvîrîga wa Benjamini?”