Atir 21:5 - ÎVUKU RÎA ÛVORO MWARO

⁵ Nîmaacokire makîûrania atîrî, “Gatagatîrî ka mîvîrîga yonthe ya Isiraeli nî mûvîrîga ûrîkû ûtaathiî mbere ya Ngai-Mûnene kûu Mizipa?” (Nîmeevîtîte makauga atî mûndû ûrîa ûtakaathiî mbere ya Ngai-Mûnene kûu Mizipa nîkwa akaaûragwa.)

Atir 21:5 ပူးပေါင်းရင်းမြစ်များ

Jeremia 48:10

Kûgwatwa nî kîrumi nî mûndû ûrîa ûrutaga wîra wa Ngai-Mûnene na mûvûthia; na kûgwatwa nî kîrumi nî mûndû ûrîa ûgiragia rûviû rwake rwîtûrûra nthakame!

Atir 21:1

Andû a Isiraeli nîmeevîtîte marî Mizipa makauga atî gûtirî mûndû wanarî ûmwe wa cietû ûgeetîkîria mwarî agûrwe nî mûndû wa mûvîrîga wa Benjamini.

Atir 21:18

nwatî tûtingîmava erîtu etû nîguo mamavikie nîûndû nîtwevîtire, atî mûndû wa cietû ûrîa ûkaavecana mwarî kûrî Mûbenjamini nîguo amûvikie nîakaanyitwa nî kîrumi.”

Atir 21:6

Andû a Isiraeli nîmeguîrîre andû ao ntha a mûvîrîga wa Benjamini na makiuga atîrî, “Ûmûnthî Isiraeli nîaûrîre nî mûvîrîga ûmwe wao.

Atir 5:23

Mûraika wa Ngai-Mûnene arauga atîrî, “Îtûûra rîa Merozu rîronyitwa nî kîrumi, andû arîa matûûraga kuo maronyitwa nî kîrumi. Nîûndû matiaûka gûtethia Ngai-Mûnene, kûrûa na andû arîa marî vinya.”

1Sam 11:7

Ke nîwocire ndegwa ciake, agîitinangia tûcunjî, na agîtûma anjaama makuue tûcunjî tûu matûvire vûrûrirî wonthe wa Isiraeli makiugaga atîrî, “Mûndû wa wonthe ûrîa ûtakûrûmîrîra Saûlo na Samueli makîthiî mbaararî, ûguo nîguo ndegwa ciake igeekwa!” Nao andû nîmeguire guoya nîûndû wa ûrîa Ngai-Mûnene angîka na makîgomana vamwe marî kîndû kîmwe.

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.