Atir 21:1 - ÎVUKU RÎA ÛVORO MWARO

¹ Andû a Isiraeli nîmeevîtîte marî Mizipa makauga atî gûtirî mûndû wanarî ûmwe wa cietû ûgeetîkîria mwarî agûrwe nî mûndû wa mûvîrîga wa Benjamini.

Atir 21:1 ပူးပေါင်းရင်းမြစ်များ

Mûvunjia 5:2

Îîciragie waro mbere ya kwaria ûndû, na ndûkaavinyûre kwîrîra Ngai ûndû, nîûndû Ngai arî îgûrû na we wî gûkû nthî. Kwoguo ndûkarie maûndû meengî.

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 40:6

Jeremia nîwacokire akîthiî Mizipa kûrî Gedalia mûvîcî wa Ahikamu na magîkara nake vamwe na andû arîa maatigirwe kûu vûrûrirî.

Maariko 6:23

Nake mûthamaki nîwevîtire mbere ya mwîrîtu ûcio na akîmwîra atîrî, “Kîndû wa kîonthe kîrîa ûngîmbîtia nîngûkûva, wana angîthîrwa nî nuthu ya ûthamaki wakwa!”

Ciîko 23:12

Rîrîa gwakeere, Ayahudi nîmaathondekire mûvango wa ûrîa makûûraga Paûlo. Nîmaacokire makîîvîta atî matingîrîa kana manyue kîndû matambîte kûûraga Paûlo.

Aroma 10:2

Nie nîrî mûira wao atî methagîrwa marî na kîîo kînene mûno wîrarî wa Ngai, nwatî matiîthagîrwa marî na ûmenyo.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.

Atir 20:10

Tûcoke tûthuure arûme îkûmi a Isiraeli varî andû îgana rîmwe, varî andû ngiri îmwe tûthuure arûme îgana rîmwe, varî andû ngiri îkûmi tûthuure andû ngiri îmwe, nîguo makagîrîre andû arîa makûthiî kûverithia andû a Gibea irio nîûndû wa waganu ûcio mekîte kûu Isiraeli.”

Atir 20:48

Andû a Isiraeli nîmaacokire kûrî Aabenjamini acio engî na makîmaûraga onthe. Maaûragire arûme, aka na ciana wana ndîthia cionthe. Nîmaavîvirie matûûra monthe marîa maarî kûu.

Atir 20:8

Nao andû onthe nîmaarûngamire vamwe na makiuga atîrî, “Gûtirî mûndû wanarî ûmwe wa cietû ûkûthiî îgemarî rîake, na gûtirî wanarî mûndû ûmwe ûkwînûka.

Atir 21:18

nwatî tûtingîmava erîtu etû nîguo mamavikie nîûndû nîtwevîtire, atî mûndû wa cietû ûrîa ûkaavecana mwarî kûrî Mûbenjamini nîguo amûvikie nîakaanyitwa nî kîrumi.”

Atir 21:22

Methe mao kana aa mûrwang'ina mangîûka kûmûnegenera, mûkaameera, ‘Twamûthaitha mûtwîtîkîrie twîkare nao nîûndû tûtiamocire nîguo matuîke aka etû tûrî mbaararî. Wana tîmue mwatûveere o, kwoguo mûtirî na mavîtia ma kuna kîîranîro kîenyu.’ ”

Atir 21:5

Nîmaacokire makîûrania atîrî, “Gatagatîrî ka mîvîrîga yonthe ya Isiraeli nî mûvîrîga ûrîkû ûtaathiî mbere ya Ngai-Mûnene kûu Mizipa?” (Nîmeevîtîte makauga atî mûndû ûrîa ûtakaathiî mbere ya Ngai-Mûnene kûu Mizipa nîkwa akaaûragwa.)

Atir 21:7

Tûgeka atîa nîguo tûve arûme a mûvîrîga wa Benjamini arîa matigarîte aka, nîûndû nîtwevîtire mbere ya Ngai-Mûnene atî tûtikaavecana erîtu etû mavikue nî andû a mûvîrîga wa Benjamini?”

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.