Atir 20:27 - ÎVUKU RÎA ÛVORO MWARO

²⁷ Vîndî îo, îthandûkû rîa kîrîkanîro Kîam Ngai-Mûnene rîarî Betheli.

Atir 20:27 ပူးပေါင်းရင်းမြစ်များ

2Sam 7:6

Kuuma rîrîa naarutire andû a Isiraeli Misiri nginya ûmûnthî, ndirî natûûra hekarûrî; ndwîre nthiîcaga ngîkaraga îgemarî.

Isaia 59:1

Tigani gwîciiria atî Ngai-Mûnene ndarî na vinya wa kûmûvonokia, kana atî matû make nîmavingaru ndangîvota kûmwîgua!

Jeremia 7:12

Thiîni wa rîu Shilo, kûrîa nathuurîte mbererî ngocagîrwe kuo na mwone ûrîa nagûcûkangirie nîûndû wa waganu wa andû akwa a Isiraeli.

Ndari 27:21

Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Atir 1:1

Vuva wa Joshua gûkua, Aisiraeli nîmaaûririe Ngai-Mûnene atîrî, “Gatagatîrî ka mîvîrîga yetû-î nî mûvîrîga ûrîkû ûkwîthîrwa ûrî wa mbere kûthiî kûrûa na Akanaani?”

Atir 20:18

Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”

Atir 20:23

Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.

Atir 20:28

Nake Finehasi, mûvîcî wa Eliazaru nîke warîmenyagîrîra. Eleazaru aarî mûvîcî wa Aroni. Andû a Isiraeli nîmaaûririe Ngai-Mûnene atîrî, “Nî waro tûthiîte kûrûa na andû etû a Benjamini rîngî, kana twîkare?” Nake Ngai-Mûnene nîwamacokerie atîrî, “Thiîni mûkarûe nao. Rûyû nîngaamûvotithia kûmavoota.”

1Sam 10:3

Nawe wathiîcathiîca na mbere kuuma vau, nîûkwona mûtî mûtheru wa Taboru. Vau nîvo ûgaatûngana na arûme athatû maunûkîtie mathiîte Betheli kûrutîra Ngai Kîgongoona. Ûmwe wao akethîrwa athiîte atongoreretie twori tûthatû, nake wîngî akethîrwa akuuîte mîgate îthatû, nake mûndû mûrûme wa kathatû akethîrwa akuuîte mbooro îcûrîte ndivei taka.