Atir 20:22 - ÎVUKU RÎA ÛVORO MWARO

²² Nwatî Aisiraeli nîmeeyûmîrîrie na makîîvanga rîngî wa varîa meevangîte mbere nîguo makarûe.

Atir 20:22 ပူးပေါင်းရင်းမြစ်များ

2Sam 11:25

Daudi nîwerire mûnjaama ûcio atîrî, “Ûmîrîria Joabu na ûmwîre ndagatangîke nîûndû wa ûndû ûcio, nîûndû gûtirî mûndû ûngîvota kûmenya nî mûndû ûrîkû ûngîkuîra mbaararî. Mwîre arîtharîkîre na vinya nginya avootane na acunane îtûûra rîu.”

Thaburi 64:5

Matitiganaga na mîvango yao mîcûku; mavangaga kûrîa makwiga mîtego yao makiugaga atî, gûtirî mûndû ûramona.

Atir 20:15

Mûthenya ûcio kwarî na andû ngiri mîrongo îîrî na ithathatû (26,000) a Benjamini arîa maaumire matûûrarî mao. Gatagatîrî ka acio, nîmaathuurîte arûme magana mûgwanja (700) arîa maarî aro mûno.

Atir 20:17

Andû acio engî a mîvîrîga ya Isiraeli arîa maathomithîtue kûrûa maarî ngiri magana mana (400,000).

Atir 20:21

Andû a mûvîrîga wa Benjamini nîmaaumire îtûûrarî makarûe, na mbere ya mûthenya ûthire nîmaaûragîte Aisiraeli ngiri mîrongo îîrî na igîrî (22,000).

Atir 20:23

Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.