Atir 20:2 - ÎVUKU RÎA ÛVORO MWARO

² Atongoria a mîvîrîga yonthe ya Isiraeli maarî vau mûcemaniorî ûcio wa andû a Ngai, na kwarî na athigari ngiri magana mana (400,000) arîa maathiîcaga na magûrû.

Atir 20:2 ပူးပေါင်းရင်းမြစ်များ

2Sam 14:13

Mûndûmûka ûcio nîwerire Daudi atîrî, “Nîndûî gîtûmîte wîke andû a Ngai naaî ûguo? We ndwîtîkîrîtie mûvîcîguo ke mwene acoke mûciî kuuma kûrîa aaûrîre, kwoguo nîwetuîrîra ciira we mwene na ciugo ciaku wa rîu.

2Sam 24:9

Joabu nîwacokire akîva mûthamaki ûvoro wîgiî ûrîa andû onthe meegana. Andû arîa mangîavotire kûthiî mbaararî kuuma kûu Isiraeli maarî andû ngiri magana manana (800,000) nakuo Juda kwarî na andû ngiri magana matano (500,000).

2Atha 3:26

Rîrîa mûthamaki wa Moabu aamenyire atî nîakûvootwa mbaararî, nîwocire arûme magana mûgwanja (700) arîa maarûaga na mviû na makîgeria kûûrîra kûrî mûthamaki wa Edomu, nwatî matiavota.

Josh 22:12

Vîndî îrîa andû a Isiraeli megwire ûvoro ûcio, onthe nîmaagomanire vamwe kûu Shilo, nîguo makarûe na mîvîrîga îo îngî ya mwena wa îrathîro.

Atir 20:15

Mûthenya ûcio kwarî na andû ngiri mîrongo îîrî na ithathatû (26,000) a Benjamini arîa maaumire matûûrarî mao. Gatagatîrî ka acio, nîmaathuurîte arûme magana mûgwanja (700) arîa maarî aro mûno.

Atir 20:17

Andû acio engî a mîvîrîga ya Isiraeli arîa maathomithîtue kûrûa maarî ngiri magana mana (400,000).

Atir 20:3

Andû a mûvîrîga wa Benjamini nîmeguire atî Aisiraeli arîa engî onthe nîmaagomanîte kûu Mizipa. Aisiraeli nîmaaûririe Mûlawi ûrîa atîrî, “Twîre ûrîa mavîtia mama meekirwe.”

Atir 8:10

Zeba na Zalimuna maarî kûu Karikori marî na athigari ao a mbaara. Gatagatîrî ka athigari onthe a mbaara a mîvîrîga ya mwena wa îrathîro, athigari ngiri îkûmi na ithano tu nîo maatigarire. Athigari ngiri îgana rîmwe rîa mîrongo îrî maarî aûrage.

1Sam 11:8

Rîrîa Saûlo aamatarire marî Bezeki, kwarî na andû ngiri magana mathatû a kuuma Isiraeli na andû ngiri mîrongo îthatû a kuuma Juda.