Atir 20:13 - ÎVUKU RÎA ÛVORO MWARO

¹³ Tûretereni andû acio aganu marî Gibea nîguo tûmaûrage, na tûthirie ûcûku ûcio gûkû Isiraeli.” Nwatî andû a Benjamini matiathikîrîria ûrîa andû acio engî a Isiraeli maaugaga.

Atir 20:13 ပူးပေါင်းရင်းမြစ်များ

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

2Sam 23:6

Nwatî andû arîa matetigîrîte Ngai methagîrwa mekariî ta mîgua îrîa îtecagwa, nîûndû gûtirî mûndû ûngîmînyita na njara ntheri.

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

2Maû 13:7

Vuvarî nîwagomanirie varî ke andû aganu na mataarî kîene na makîringîrîria Rehoboamu mûvîcî wa Solomoni eke ûrîa meendaga rîrîa Rehoboamu aarî mûndû mwîthî na atangîavotire kûmetirîria.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

2Maû 25:20

Nwatî Amazia ndaathikîrîria, nîûndû warî mûvango wa Ngai atî Amazia na andû ake mavootwe nîûndû nîmaagoocete ngai cia mîvuanano cia Edomu.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Mûvunjia 11:10

Thiria mîtango ngororî yaku na wîrigagîrîrie ûndû ûrîa ûngîtûria mwîrî waku, nîûndû wîthî na mûthiia wa ûtûûro nî cia mana.

Hosea 10:9

Mue andû a Isiraeli, kuuma vîndî îrîa mwarî Gibea, mûtûûraga mwîvagia, na nginya rîu nwa mwîvagia. Mûgacûkangua nî mbaara mûrî kûu Gibea.

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

2Akor 6:15

Kristû na ngoma nwa metîkanie? Mûndû wîtîkîtie na ûrîa ûtetîkîtie nwa magîe na ngwatanîro?

Gûco 13:13

atî îtûûrarî rîmwe nî kuumîrîte andû matarî kîene na nî maveenereretie andû magooce ngai ciîngî irîa mûtaicî.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.

Gûco 17:7

Aira nîo makethagîrwa marî a mbere gwikia mûndû ûcio mathiga, nao andû acio engî onthe marûmîrîre. Ûguo nîguo mûkaathiria ûndû ûcio mûcûku gatagatîrî kenyu.

Gûco 19:19

mûira ûcio agîrîrwe nî gûtuîrwa na avewe îvera rîrîa mûndû ûcio ûthitangîtwe angîvewa. Ûguo nîguo mûkaathiria wîvia gatagatîrî kenyu.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

Gûco 22:21

atongoria a îtûûra nîmagooca mûndûmûka ûcio na mamûvire mûromorî wa nyomba ya îthe na mamûragîre vo na mathiga, nîûndû nîaconorithîtie andû a Isiraeli na njîra ya kwîvecana amenywe kîîmwîrî mbere ya avikue. Ûguo nîguo mûkaathiria wîvia ûcio gatagatîrî kenyu.

Gûco 22:24

oîrî nîmakaavirwa nja ya îtûûra na maûragîrwe vo na mathiga. Mwîrîtu ûcio akaaûragwa nîûndû anyitwa ndaauga mbu atethue, wana ethîrwa aarî îtûûrarî. Nake mûndûmûrûme akaaûragwa nîûndû wa kûmenyana kîîmwîrî na mwîrîtu warî mwîrîre atî nîakûvikua nî mûndû wîngî. Ûguo nîguo mûkaathiria wîvia ûcio gatagatîrî kenyu.

Gûco 24:7

“Mûisiraeli angînyitwa akîya Mûisiraeli ûrîa wîngî, na acoke amûtue ngombo kana amwendie, mûndû ûcio nwanginya akaaûragwa. Ûguo nîguo mûkaathiragia wîvia ûcio gatagatîrî kenyu.

Atir 19:22

Vîndî wa îo maakenaga, wa rîmwe gîkundi Kîam andû marî na mîtugo mîcûku maumîte îtûûrarî nîmaathiûrûrûkîrie nyomba îo na makîambîrîria kûrumia mûrango makîraga mûthuuri ûcio atîrî, “Ruta mûndû ûcio mûkire nake na gûkû nja! Tûrenda kûmenyana nake kîîmwîrî na vinya!”

Atir 20:12

Andû a mîvîrîga ya Isiraeli nîmaatûmire anjaama mathiî vûrûrirî wonthe wa mûvîrîga wa Benjamini makaûrie atîrî, “Nîkwa mwîkîte waganu wa mûthemba ûrîkû?

Atir 20:14

Nao andû a Benjamini nîmaagomanire vamwe kûu Gibea maumîte matûûrarî mao na makîthiî kûrûa na Aisiraeli acio engî.

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.

1Sam 30:22

Nwatî andû amwe maarî athunu na mataarî na vata gatagatîrî ka andû arîa maathiîte na Daudi nîmaaugire atîrî, “Tûtiathiî nao, kwoguo tûtikûmava kîndû wanarî kîmwe Kîam irîa tûtavîte. Nîmoce aka ao na ciana na menûke.”