Atir 2:14 - ÎVUKU RÎA ÛVORO MWARO

¹⁴ Kwoguo Ngai-Mûnene nîwarakarire nîûndû wa Aisiraeli na akîmarekereria kûrî nthû, nacio nîciaîire indo ciao. Nîwarekererie nthû cionthe irîa ciamathiûrûrûkîrîtie imavoote, na Aisiraeli matingîavotire kwîgitîra.

Atir 2:14 ပူးပေါင်းရင်းမြစ်များ

2Sam 24:1

Ngai-Mûnene nîwarakarirue nî Aisiraeli rîngî, na nîwerire Daudi athiî kûrî o nîguo marakare na akîmwîra atîrî, “Thiî na ûtare andû a Isiraeli na a Juda.”

2Sam 7:11

Kuuma rîrîa nathuurîre andû akwa a Isiraeli atongoria na magîtonya vûrûrirî ûyû, matûîre matharîkagîrwa nî nthû, nwatî ûndû ûyû ndûgeekîka rîngî. Nîrakwîrîra atî, nîngaakûgitagîra kuuma kûrî nthû ciaku cionthe na ngûve njiarwa.

2Atha 13:3

Kwoguo Ngai-Mûnene nîwarakarirue nî andû a Isiraeli na nîwatûmire mekare makîvootagwa mbaararî nî Hazaeli, mûthamaki wa Sîria na mûvîcî Benihadadi.

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Maû 15:5

Vîndî îo gûtirî mûndû ûngîavotire kumagara kana gûcoka arî na thayû, nîûndû kwarî na thîna na gûtiarî na thayû mavûrûri monthe.

2Maû 28:5

Kwoguo Ngai-Mûnene, Ngai wake nîwamûrekererie na akîvootwa nî mûthamaki wa Sîria. Mûthamaki wa Sîria nîwacokire akînyita andû eengî a Juda na akîmavira Damesiki marî mîgwate. Mûthamaki Ahazi nwa warekererue kûrî mûthamaki wa Isiraeli, ûrîa wamûvootire na akîûraga andû eengî mûno a Juda.

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Nehemia 9:27

Kwoguo nîwamanenganîre kûrî nthû ciao na nthû icio ikîmaûkîrîra. Vîndî ya mînyamaaro îo nîmaagûkaîre, nawe ûrî îgûrû nîwegwire kîrîro Kîamo. Nîûndû wa ntha ciaku nyîngî nîwamavere atongoria, arîa maamavonokirie kuuma kûrî nthû ciao.

Thaburi 44:11

Nîûtûmîte twîkare ta ng'ondu ithiîte kûthînjwa; na nîûtûnyaganîtie mavûrûrirî marîa mengî.

Thaburi 44:12

Nîwendetie andû aku na thogora mûnini mûno, na ndwetia kîndû kînene wamendia.

Isaia 42:24

Nû wanenganîre Jakovu kûrî acunani? Nîûrîkû wanenganîre Isiraeli kûrî aîi? Nî Ngai-Mûnene ûrîa twevîîrie! Na methe metû makîrega kûrûmîrîra njîra ciake, kana kwathîkîra mawatho make.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Jeremia 37:10

Nîûndû wana ethîrwa nwa mûvoote athigari onthe a mbaara a Akalidei arîa mûrarûa nao, matigare amwe ao marî agurarie, wa mûndû arî îgemarî rîake, athigari acio nîmagaûka mavîvie îtûûra rîîrî na mwaki.”

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Alawi 26:37

Mûkaavîngîcanaga mue ene takwa mûrîte mûtikaûragwe vîndî îrîa gûtarî mûndû ûmûvinyûrîtie, na mûtikaavota kûrûa na nthû cienyu.

Ndari 32:13

Ngai-Mûnene nîwarakarirue mûno nî andû a Isiraeli na agîtûma maûrûre werûrî îvinda rîa mîaka mîrongo îna (40) nginya rîrîa rûciaro rûu ruonthe rwekîte maûndû macûku mbere ya Ngai-Mûnene rwakwire.

Ndari 32:14

Namue rûciaro rwa evia, nîmûkinyîte varîa methe menyu maarî, mûgatûma marakara ma Ngai-Mûnene kûrî Aisiraeli mongerereke!

Gûco 28:20

Mweka maûndû macûku na mûtiganîrie Ngai-Mûnene, ke nîagaatûma mûnyitwe nî mûthiro, ivîngîcî na mûgîe na mathîna maûndûrî monthe marîa mûgekaga, nginya mûgaacûkangua mûthire viû na îvenya.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:58

“Ethîrwa mûtikaavingagia na kinyi mawatho monthe marîa mandîkîtwe îvukuurî rîîrî, na mwîtigagîre rîîtwa rîa Ngai-Mûnene Ngai wenyu, na nîrîo rîrî riiri na rîagîrîrwe nî kûgoocwa,

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

Josh 23:16

ethîrwa mûtikaarûmîrîra maathani make. Maathani mau nî marîa Ngai-Mûnene, Ngai wenyu aamwîrire mûrûmagîrîre. Na ethîrwa nîmûgaatungatîra na mûgooce ngai ciîngî na mûciînamîrîra, nîakaarakara nîmue na amûverithie. Na vuvarî gûtirî mûndû wana ûmwe gatagatîrî kenyu ûgaatigara vûrûrirî ûyû mwaro Ngai-Mûnene, Ngai wenyu amûveete.”

Atir 1:19

Ngai-Mûnene nîwavotithirie andû a Juda kûnyita vûrûri ûrîa ûrî irîmarî, nwatî matiavota kûvoota andû arîa maatûûraga kûndû kûrîa kwaraganu nîûndû maarî na ikaari cia mbaara cia cuuma.

Atir 1:34

Amori nîmeengatire na vinya andû a mûvîrîga wa Dani na makîthiî vûrûrirî ûrîa ûrî irîma na nîmaamagiririe manyûrûrûke kûndû kûrîa kwaraganu.

Atir 10:7

Kwoguo Ngai-Mûnene nîwarakarire nîûndû wa Aisiraeli, na akîmarekereria kûrî Afilisiti na Aamoni.

Atir 2:20

Kwoguo Ngai-Mûnene nîwarakarirue nî Aisiraeli na akiuga atîrî, “Nîûndû andû a rûciaro rûrû nîmaregete kûvingia kîrîkanîro kîrîa naathondekire na methe mao ma tene na nîmareganîte nanie

Atir 3:12

Aisiraeli nîmeekire maûndû macûku mbere ya Ngai-Mûnene rîngî. Nîûndû wa ûguo, Ngai-Mûnene nîwatûmire Egiloni mûthamaki wa Moabu agîe vinya gûkîra Aisiraeli.

Atir 4:2

Kwoguo Ngai-Mûnene nîwamarekererie makîvootwa nî mûthamaki Jabini wa Kanaani. Jabini aathanaga arî îtûûrarî rîa Hazoru. Mûtongoria wa athigari ake eetagwa Sisera, na aatûûraga Haroshethu-hagoimu.