Atir 2:11 - ÎVUKU RÎA ÛVORO MWARO

¹¹ Andû a Isiraeli nîmeekire maûndû macûku mbere ya Ngai-Mûnene na njîra ya gûtungatîra Baali.

Atir 2:11 ပူးပေါင်းရင်းမြစ်များ

Kîam 13:13

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.

Kîam 38:7

Nwatî mîtugo ya Eri yarî mîcûku na ndîakenagia Ngai-Mûnene, kwoguo Ngai-Mûnene nîwamûragire.

1Atha 11:5

Solomoni nîwagoocire Ashitorethu, ngai ya nga ya andû a Sidoni, na Milikomu, ngai ya mawîvia ya Aamoni.

1Atha 18:18

Nake Elija nîwacokirie atîrî, “Nie ndianarete thîna gûkû Isiraeli; Nwatî we mûrî na andû a mûciî wa aguo nîmue mûretaga thîna gûkû Isiraeli, nîûndû nîmûregete kwathîkîra maathani ma Ngai-Mûnene na mûkagooca mîvuanano ya Baali.

1Atha 22:53

Nîwatungatîre Baali na akîmîgooca na akîrakaria Ngai-Mûnene, Ngai wa Isiraeli na maûndû ta marîa îthe eekîte.

2Maû 28:2

Nwatî aarûmîrîre mîthiîre ya athamaki a Isiraeli. Wana nîwerûthîre mîvuanano ya Baali.

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Ezira 8:12

Johanani mûvîcî wa Hakatani aarî mûnene wa nyomba ya Azigadi, îrî na arûme îgana na îkûmi (110).

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Thaburi 78:56

Nwatî andû a Isiraeli nîmaareganire na Ngai mwene vinya wonthe, na makîmûgeria. Nîmaaregire kwathîkîra maathani make,

Jeremia 11:10

Nîmacokererete mevia marîa meekagwa nî methe mao, arîa maregire kûmbathîkîra; na nîmagoocete ngai ciîngî. Andû a Isiraeli na Juda nîmaunîte kîrîkanîro kîrîa narûthire na methe mao.

Jeremia 16:11

We nîûgacoka ûmeere atîrî, ‘Ngai-Mûnene arauga atî, nîûndû methe menyu nîmandiganîrîtie na makambîrîria kûgooca na gûtungatîra ngai ciîngî, nîmandiganîrîtie na matiathîkagîra mawatho makwa.

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 2:23

Nwa uuge atî, “Nie ndirî na mûgiro, na nie ndianagooca Baali? Taroria mîthiîre yaku kûu Kîandarî, ta menya ûrîa wekire kuo; we wîkariî ta mori ya ngamîîra, îvinyûraga ava na vaarîa îrî na mûruke.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Jeremia 9:14

Nwatî nîmaûmîtie ciongo na makarûmîrîra wendi wa ngoro ciao na makagooca mîvuanano ya Baali wata ûrîa maathomithirue nî methe mao.

Ndari 25:3

Kwoguo Aisiraeli nîmaambîrîrie kûgooca Baali ngai ya Peori. Nake Ngai-Mûnene nîwarakarirue nî andû acio a Isiraeli.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Gûco 4:25

“Rîrîa mûgaatûûra vûrûrirî ûcio wa Kanaani îvinda îraca na mûgîe na ciana, nacio ciana icio igîe na ciana ciacio, mûtikevie mbere ya Ngai-Mûnene, Ngai wenyu, na njîra ya kwîrûthîra mîvuanano ya mûthemba wa wonthe, nîûndû ûndû ûcio nwa ûrakarie Ngai.

Atir 10:10

Aisiraeli nîmaacokire makîrîrîra Ngai-Mûnene makiugaga atîrî, “Nîtûkûvîtîrîtie, nîûndû nîtûgûtiganîrîtie we Ngai wetû na tûgatungatîra Baali ngai cia mîvuanano.”

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.

Atir 13:1

Andû a Isiraeli nîmeevîrie Ngai-Mûnene rîngî, nake Ngai-Mûnene nîwamarekererie wathanirî wa Afilisiti îvinda rîa mîaka mîrongo îna.

Atir 3:12

Aisiraeli nîmeekire maûndû macûku mbere ya Ngai-Mûnene rîngî. Nîûndû wa ûguo, Ngai-Mûnene nîwatûmire Egiloni mûthamaki wa Moabu agîe vinya gûkîra Aisiraeli.

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.

Atir 4:1

Rîrîa Ehudi aakwire, andû a Isiraeli nîmeevîrie Ngai-Mûnene rîngî.

Atir 6:1

Andû a Isiraeli nîmeevîrie Ngai-Mûnene rîngî. Kwoguo Ngai-Mûnene nîwamarekererie wathanirî wa andû a Midiani îvinda rîa mîaka mûgwanja.

Atir 6:25

Ûtukû ûcio Ngai-Mûnene nîwerire Gideoni atîrî, “Oca ndegwa ya aguo na ndegwa îngî ya ûkûrû wa mîaka mûgwanja. Womomore metha ya aguo ya kîgongoona Kîam Baali na ûtemange mûvuanano wa ngai ya Ashera ûcio ûrî vakuvî nayo.

Atir 8:33

Gideoni arîkia gûkua, andû a Isiraeli nîmaatigire kwîvoka Ngai rîngî na makîambîrîria kûgooca Baali. Nîmaatuire Baali-berithu ngai yao.

1Sam 12:10

Namo methe menyu ma tene nîmaathaithire Ngai-Mûnene amatethie makiugaga atîrî, “Nîtwîvîtie nîûndû tue nîtwagûtiganîrie we, Ngai-Mûnene na tûgîtungatîra ngai cia mîvuanano cia Baali na Ashitarothu, nwatî rîu tûvonokie kuuma kûrî nthû cietû na tûgagûtungatagîra!

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”

1Sam 7:4

Kwoguo andû a Isiraeli nîmaathengutirie mîvuanano ya Baali na Ashitarothu na makîgooca Ngai-Mûnene wenga.