Atir 19:2 - ÎVUKU RÎA ÛVORO MWARO

² Mûka ûcio wa kwigwa nîwarakarirue nî Mûlawi ûcio na agîcoka kwao mûciî Bethilehemu na agîkara kuo îvinda rîa mîeri îna (4).

Atir 19:2 ပူးပေါင်းရင်းမြစ်များ

Ezek 16:28

“Nîwavûrire ûmaraa na andû a Asîria nîûndû ndweganîra; nîma nîwavûrire ûmaraa nao na ndweganîra.

Alawi 21:9

Mwîrîtu wa mûthînjîri-Ngai angîtuîka îraa, nîaconorithagia îthe; kwoguo mwîrîtu ûcio nî akaavîvua na mwaki nginya akue.

Gûco 22:21

atongoria a îtûûra nîmagooca mûndûmûka ûcio na mamûvire mûromorî wa nyomba ya îthe na mamûragîre vo na mathiga, nîûndû nîaconorithîtie andû a Isiraeli na njîra ya kwîvecana amenywe kîîmwîrî mbere ya avikue. Ûguo nîguo mûkaathiria wîvia ûcio gatagatîrî kenyu.

Atir 17:7

Vîndî îo kwarî na mwanake Mûlawi warî wa kuuma Bethilehemu ya Juda.

Atir 19:1

Vîndî îo mbere ya kûgîa na mûthamaki kûu Isiraeli, kwarî na Mûlawi ûmwe watûûraga kûndû kûraca vûrûri ûrîa ûrî irîma wa Efiraimu. Mûlawi ûcio nîwocire mûndûmûka kuuma Bethilehemu ya Juda nîguo atuîke mûka wa kwiga.

Atir 19:3

Mûlawi nîwacokire akîrûmîrîria mûka ûcio na akîgeria kûmûthaitha nîguo amûcokerere. Aathiîre marî na ndungata yake na mvunda igîrî. Rîrîa aakinyaga mûciî kwa îthe wa mûka ûcio, îthe wa mûka nîwamûgwatire ûgeni arî na gîkeno.