Atir 18:9 - ÎVUKU RÎA ÛVORO MWARO

⁹ Nao nîmaamerire atîrî, “Ûkîrani tûthiî tûkatharîkîre îtûûra rîa Laishi. Nîtwonire vûrûri ûcio na nî mwaro mûno. Tigani gwîkara gûkû mûtagwîka ûndû. Thiîni na îvenya na mwîgwatîre vûrûri ûcio!

Atir 18:9 ပူးပေါင်းရင်းမြစ်များ

2Sam 10:12

Îyûmîrîrie! Tûrûe na vinya nîûndû wa andû etû na matûûra ma Ngai wetû. Nake Ngai-Mûnene aroeka wa ûrîa akwona kwagîrîre.”

1Atha 22:23

Kwoguo Mikaia nîwathiririe na kuga atîrî, “Ngai-Mûnene nîatûmîte arathi aya aku onthe maveenanie. Nwatî Ngai-Mûnene ke mwene nîaugîte atî nîûkaagîa na ûndû mûcûku!”

1Atha 22:3

Ahabu nîwaûririe ndungata ciake atîrî, “Nîmwicî atî Ramothi-gileadi nî gwetû? Nîndûî kîratûma tûrega kûthiî gûtava îtûûra rîu kuuma kûrî mûthamaki wa Sîria?”

Ndari 13:30

Kalebu nîwakiririe andû arîa maanegenaga marî mbere ya Musa. Nîwamerire atîrî, “Tue tûrî na vinya wa kûvoota andû arîa marî vûrûrirî ûcio. Kwoguo tûthiîni tûûtharîkîre rîu na tûwoce ûtuîke wetû.”

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Josh 18:3

Kwoguo Joshua nîwaûririe andû a Isiraeli atîrî, “Nîmweterera nginyagia rî mûtathiîte kwîgwatîra vûrûri ûrîa Ngai-Mûnene, Ngai wa methe menyu amûveete?

Atir 18:10

Mwakinya kuo nîmûkwîthîra andû mekarîte matarî na thîna na gûtarî na ûndû maretigîra. Nî vûrûri mûnene, ûrî na indo cionthe na Ngai nîamûvete guo.”

Atir 18:8

Rîrîa arûme acio atano maacokire kûu Zora na Eshitaoli, andû a vûrûri wao nîmaamaûririe ûrîa moonete.

1Sam 4:9

Mwîyûmîrîrieni Afilisiti aya na mûrûe ta arûme, nîguo tûtigatuîke ngombo cia Ahibirania ta ûrîa maarî ngombo cietû. Kwoguo rûani ta arûme.”