Atir 18:7 - ÎVUKU RÎA ÛVORO MWARO

⁷ Kwoguo arûme acio atano nî maambîrîrie rûgendo na magîkinya îtûûrarî rîa Laishi. Nîmoonire atî andû a Laishi maatûûraga ta ûrîa andû a Sidoni maatûûraga matarî na thîna, marî na thayû, matagûtetania wanarî na mûndû. Maarî na indo cionthe. Maatûûraga kûraca na andû a Sidoni na matiarî na ûndû mangîagwatanîre na arîa engî.

Atir 18:7 ပူးပေါင်းရင်းမြစ်များ

1Atha 1:6

Îthe Daudi ndaarî aananegenia mûvîcî nîûndû wanarî ûrîkû, na nîwendaga mûno gûtuîka mûthamaki. Adonija nama aarî mwanake mûthaka mûno na nîke warûmîrîrîte Abusalomu.

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

1Maû 4:40

Nîmoonire kûndû kûnoru kwaro gwa kûrîthua. Vûrûri ûcio warî na kûndû kûnene gwa kûrîthua na ndwarî na înegene, warî na thayû. Mbererî vûrûri ûcio watûûragwa nî njiarwa cia Hamu

Jeremia 49:31

‘Ngai-Mûnene arauga atîrî, Ûkîrani mûkatharîkîre vûrûri ûrîa wîkaraga na thayû na ûrî mûgitîre! Vûrûri ûtarî mîrango kana mîkîgo, na ûtûûraga ûrî guonga.’

Aroma 13:3

Andû arîa mekaga waro matiagîrîrwe nî gwîtigîra athani, nwatî andû arîa mekaga naaî nîmetigagîra athani. Nwa wende kwîthîrwa ûtarî na guoya nîûndû wa mûndû ûrîa wathanaga? Coka gwîkaga maûndû marîa maro na agagûkumagia.

Josh 19:47

Vûrûri wa Dani nîwacunanirwe. Naguo mûvîrîga wa wa Dani nîwatharîkîre îtûûra rîa Laishi. Marîtharîkîra nîmaarînyitire na makîûraga andû a kuo na makîrîtua itûûra rîao. Nîmaatûûrire îtûûrarî rîu na makîgarûra rîîtwa rîarîo rîgîtiga gwîtagwa Laishi rîgîcoka gwîtagwa Dani. Maarîtanirie na Dani îthe wao wa tene.

1Pet 2:14

Athîkagîrani anene arîa mathuurîtwe nî mûthamaki ûcio, nîguo maverithagie andû arîa mekaga naaî na makumagie arîa mekaga waro.

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’

Atir 18:29

Nîmaagarûrire rîîtwa rîa îtûûra rîu rîa Laishi na makîrîîta Dani. Maarîtanirie na îthe wao wa tene Dani ûrîa warî mûvîcî wa Jakovu.

Atir 18:6

Nake mûthînjîri-Ngai nîwamacokerie atîrî, “Thiîni na thayû Ngai-Mûnene nîakûmûmenyerera rûgendorî rwenyu.”

Atir 18:8

Rîrîa arûme acio atano maacokire kûu Zora na Eshitaoli, andû a vûrûri wao nîmaamaûririe ûrîa moonete.

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.