Atir 18:30 - ÎVUKU RÎA ÛVORO MWARO

³⁰ Andû a Dani nîmaarûthire mûvuanano wa kûgoocagwa. Jonathani mûvîcî wa Gerishomu, Gerishomu mûvîcî wa Musa na ndungata ciake nîo maatungataga marî athînjîri-Ngai kûu mûvîrîgarî wa Dani nginya rîrîa vûrûri ûcio watavirwe.

Atir 18:30 ပူးပေါင်းရင်းမြစ်များ

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:18

Kwoguo Ngai-Mûnene nîwamengatire onthe. Aatigaririe andû a mûvîrîga wa Juda onga tu.

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 17:22

Andû a Isiraeli nîmeekire mevia monthe marîa Jeroboamu eekire; matiatigana namo,

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

Ntha 18:3

na tûmwanake twake twîrî, Gerishomu ûrîa mûkûrû na Eliezeri ûrîa warî wa kaîrî. (Musa aaugîte atî nîûndû aatûûraga vûrûrirî mûgeni ûcio wa mbere aamûtuîrîre rîîtwa Gerishomu.

Ntha 2:22

na mûka wa Musa agîciara kaana ga kavîcî. Musa nîweîrire na ngoro atîrî, “Nie nîrî mûgeni vûrûrirî ûyû, kwoguo kaana gaka nînîgeta Gerishomu.”

Ntha 20:4

“Ndûkanethondekere mûvuanano, kana mûvuanîre wa kîndû wa kîonthe kîrî îgûrû maturî, kana wa kîndû kîrî gûkû nthî, kana wa kîndû kîrî manjîrî marîa marî rungu rwa nthî.

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Gûco 27:15

“ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Atir 13:1

Andû a Isiraeli nîmeevîrie Ngai-Mûnene rîngî, nake Ngai-Mûnene nîwamarekererie wathanirî wa Afilisiti îvinda rîa mîaka mîrongo îna.

Atir 17:3

Mika nîwacokerie ng'ina tûcunjî tûu ngiri îmwe na îgana twa sîlûva, nake ng'ina akîmwîra atîrî, “Nînyamûrîra Ngai-Mûnene sîlûva îno nîguo kîrumi gîtigakûgwate mûvîcîwa. Ikaavûthîrwa na kûthondeka mûvuanano wa kumua ûvakîtwe sîlûva kuonthe. Kwoguo rîu nîngûgûcokeria cio.”

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.