Atir 18:10 - ÎVUKU RÎA ÛVORO MWARO

¹⁰ Mwakinya kuo nîmûkwîthîra andû mekarîte matarî na thîna na gûtarî na ûndû maretigîra. Nî vûrûri mûnene, ûrî na indo cionthe na Ngai nîamûvete guo.”

Atir 18:10 ပူးပေါင်းရင်းမြစ်များ

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Ezek 20:6

Mûthenya ûcio nînevîtire nîrî mbere yao ngiuga atî nîngaamaruta vûrûri wa Misiri nîmavire vûrûrirî ûrîa naamacarîrie, vûrûri mûnoru na ûrî îriia na ûûkî mwîngî, vûrûri mwaro gûkîra mavûrûri monthe.

Gûco 2:29

tûthiî tûringe rûnjî rwa Jorodani na tûkinye vûrûrirî ûrîa Ngai-Mûnene, Ngai wetû atûvete. Njiarwa cia Esaû, arîa matûûraga Edomu na andû a Moabu, arîa matûûraga Ari, nîmaatwîtîkîririe tûvîtûkîrîre vûrûrirî wao.’

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

Josh 2:23

Nao athigani acio aîrî makînyûrûrûka makiuma irîmarî na makîringa rûnjî rwa Jorodani makîthiî kûrî Joshua. Nîmaamwîrire maûndû monthe marîa meekîkîte

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 6:16

Mathiûrûrûka rita rîa mûgwanja, athînjîri-Ngai nîmaavuvire tûrumbeta. Nake Joshua nîwathire andû na akîmera maugîrîrie. Nîwacokire akiuga atîrî, “Ngai-Mûnene nî atûvete îtûûra rîîrî!

Atir 18:11

Kwoguo arûme magana matandatû (600) a mûvîrîga wa Dani nîmaaumire Zora na Eshitaoli marî na indo cia mbaara mevarîrîtie kûrûa.

Atir 18:27

Andû a mûvîrîga wa Dani nîmaathiîre na mûthînjîri-Ngai vamwe na indo irîa Mika aathondekete na makîtharîkîra îtûûra rîa Laishi kûrîa andû a kuo maarî avoreri na maarî na thayû. Andû a Dani nîmaaûragire andû a îtûûra rîa Laishi na makîrîvîvia.

Atir 18:7

Kwoguo arûme acio atano nî maambîrîrie rûgendo na magîkinya îtûûrarî rîa Laishi. Nîmoonire atî andû a Laishi maatûûraga ta ûrîa andû a Sidoni maatûûraga matarî na thîna, marî na thayû, matagûtetania wanarî na mûndû. Maarî na indo cionthe. Maatûûraga kûraca na andû a Sidoni na matiarî na ûndû mangîagwatanîre na arîa engî.

Atir 18:9

Nao nîmaamerire atîrî, “Ûkîrani tûthiî tûkatharîkîre îtûûra rîa Laishi. Nîtwonire vûrûri ûcio na nî mwaro mûno. Tigani gwîkara gûkû mûtagwîka ûndû. Thiîni na îvenya na mwîgwatîre vûrûri ûcio!