Atir 18:1 - ÎVUKU RÎA ÛVORO MWARO

¹ Îvindarî rîu, Isiraeli gûtiarî na mûthamaki. Nao andû a mûvîrîga wa Dani nîmaacaragia vûrûri ûrîa mangîîgwatîra rîrî îgai rîao na magatûûra kuo. Meekaga ûguo nîûndû matiarî na vûrûri wao o ene gatagatîrî ka mîvîrîga ya Isiraeli.

Atir 18:1 ပူးပေါင်းရင်းမြစ်များ

Atir 1:34

Amori nîmeengatire na vinya andû a mûvîrîga wa Dani na makîthiî vûrûrirî ûrîa ûrî irîma na nîmaamagiririe manyûrûrûke kûndû kûrîa kwaraganu.

Atir 17:13

Mika nîwacokire akîîra na ngoro atîrî, “Rîu nîmbicî atî Ngai-Mûnene nîakûmbîka maûndû maro, nîûndû nîrî na Mûlawi arî mûthînjîri-Ngai wakwa.”

Atir 17:6

Vîndî îo, kûu Isiraeli gûtiarî na mûthamaki. Kwoguo wa mûndû eekaga wa ûrîa oonaga kwagîrîrîte.

Atir 19:1

Vîndî îo mbere ya kûgîa na mûthamaki kûu Isiraeli, kwarî na Mûlawi ûmwe watûûraga kûndû kûraca vûrûri ûrîa ûrî irîma wa Efiraimu. Mûlawi ûcio nîwocire mûndûmûka kuuma Bethilehemu ya Juda nîguo atuîke mûka wa kwiga.

Atir 21:25

Vîndî îo Isiraeli gûtiarî na mûthamaki. Wa mûndû eekaga wa ûrîa oonaga kwagîrîrîte.